Porsche Accident : महागडी पोर्श कार अल्पवयीन आरोपीला मिळाली होती बर्थडे गिफ्ट 

पुणे  : अल्पवयीन आरोपीने मद्यधुंद अवस्थेत महागडी पोर्श कार बेदरकारपणे चालवल्यामुळे संगणक अभियंता अनीश अवधिया आणि अश्विनी कोस्टा या दोन तरुणांचा मृत्यू झाला होता. या प्रकरणात आता नवी माहिती समोर आली आहे. सदर पोर्श कार अल्पवयीन आरोपीला आपल्याला आजोबांकडून वाढदिवसाची भेट म्हणून मिळाली होती. १७ वर्षीय आरोपीचे आजोबा सुरेंद्र अगरवाल यांनी दोन महिन्यांपूर्वी व्हॉट्सअपवर या कारचे फोटो शेअर केले होते. तसेच ही गाडी आपण नातवाला वाढदिवसाची भेट देत असल्याचे म्हटले होते. सुरेंद्र अगरवाल यांचे मित्र अमन वाधवा यांनी ही माहिती इंडिया टुडे टीव्हीशी बोलताना दिली.