लक्ष्मी रस्त्यावरील विद्युत रोषणाईचे औपचारिक उद्घाटन

लक्ष्मी रस्त्यावरील विद्युत रोषणाईचे औपचारिक उद्घाटन करताना पुणे महानगरपालिकेचे आयुक्त विक्रम कुमार म्हणाले की पुणे शहरात शॉपिंग साठी लक्षी रोड महत्वाचे ठिकाण आहे. फक्त पुण्यातूनच नव्हे तर जिल्ह्यातील वेगवेगळ्या भागातून ग्राहक लक्ष्मी रोडला खरेदी साठी येतात आणि आज नाही तर १९२२ पासून येतात. लक्ष्मी रस्त्याचे नामकरण होऊन १०१ वर्ष पूर्ण झाली आहेत त्यानिमित्ताने येथील सर्व व्यापाऱ्यांनी एकत्र येवून छान विद्युत रोषणाई केली आहे. १०१ वर्ष झाल्याचे औचित्य आणि दिवाळीचा सण या दोन्हींमुळे ही रोषणाई विशेष आकर्षण ठरत आहे.

लक्ष्मी रस्त्यावर मोठ्या प्रमाणात सराफांची दुकाने असल्याने वॉकींग प्लाझा करू नये. बरेच लोक आज देखील खरेदीसाठी येताना रोख रक्कम आणतात त्यामुळे वॉकींग प्लाझा केल्यास जोखीम घेऊन कोणी शॉपिंगला येणार नाही. त्याशिवाय पे अँड पार्क करावा. तसेच फुटपाथ वरील फेरीवाल्यांची इतर काही सोय करावी आणि १९९२ – ९३ साला पर्यंत असलेली वाहतुकीची पद्धत ज्यामध्ये डेक्कन वरून लक्ष्मी रस्त्यावर येता येत होते ती पुन्हा सुरु करावी अशा काही मागण्या रांका यांनी यावेळी महापालिका आयुक्तांकडे यावेळी केल्या.