रक्षा लेखा प्रधान नियंत्रक (सैन्य), पुणे यांच्या कार्यालयात एकता दिवस आणि दहशतवाद विरोधी दिनाचे आयोजन

पुणे : देशाचे पहिले उपपंतप्रधान आणि गृहमंत्री सरदार वल्लभभाई पटेल यांच्या जयंतीनिमित्त एकता दिवस आणि देशाच्या पहिल्या महिला पंतप्रधान प्रियदर्शनी इंदिरा गांधी यांच्या पुण्यतिथीनिमित्त दहशतवाद विरोधी दिनानिमित्त 31 ऑक्टोबर रोजी रक्षा लेखा प्रधान नियंत्रक (सैन्य), पुणे यांच्या
कार्यालयात भव्य कार्यक्रमाचे आयोजन करण्यात आले होते.
सर्वप्रथम  सुनलिनी बोईड, आयडीएएस, रक्षा लेखा उपनियंत्रक यांनी प्रमुख पाहुणे डॉ. राजीव चव्हाण, आयडीएएस, एनडीसी यांचे पुष्पगुच्छ देऊन स्वागत केले. यांना कार्यक्रमाच्या प्रमुख पाहुण्यांच्या हस्ते दीपप्रज्वलन करून कार्यक्रमाची सुरुवात करण्यात आली. प्रमुख पाहुण्यांनी सरदार पटेल आणि दिवंगत इंदिरा गांधी यांच्या प्रतिमेला पुष्पहार अर्पण केला. यानंतर भारतीय रक्षा लेखा सेवेच्या अधिकाऱ्यांनीही दोन्ही महान व्यक्तींना पुष्प अर्पण केले.
यावेळी  विक्रम राजापुरे, आयडीएएस, उपनियंत्रक,  सुनलिनी बोईड आयडीएएस, उपनियंत्रक,  स्वप्नील हनमाने, आयडीएएस, सहाय्यक नियंत्रक,  आर के बिंद्रू, आयडीएएस, सहाय्यक नियंत्रक,  एम. राव, आयडीएएस, सहाय्यक नियंत्रक वैशाली डिसोझा, आयडीएएस, सहाय्यक नियंत्रक यांच्यासह कार्यालयातील सर्व वरिष्ठ अधिकारी व कर्मचारी उपस्थित होते.
कार्यक्रमाच्या सुरुवातीला सरदार वल्लभभाई पटेल यांच्या पवित्र जयंतीनिमित्त राष्ट्रीय एकता दिवसाची शपथ घेण्यात आली आणि इंदिरा गांधी यांच्या स्मृतिदिनानिमित्त दहशतवादविरोधी शपथ घेण्यात आली. राष्ट्रीय एकता दिवस आणि दहशतवाद विरोधी दिनाच्या हिंदी आणि इंग्रजी शपथांचे वाचन
अनुक्रमे श्रीमती मधु गांधी, वरिष्ठ लेखा अधिकारी आणि श्रीमती सुहाना आरिफ, सहायक लेखा अधिकारी यांनी केले.
आपल्या भाषणात प्रमुख पाहुण्यांनी प्रथम भारताचे लोहपुरुष सरदार वल्लभभाई पटेल यांच्या व्यापक व महान कार्याची आठवण करून दिली. आजच्या विशाल भारताला मोठा आकार देण्याचे त्यांचे श्रेय अमूल्य असल्याचे त्यांनी सांगितले. महात्मा गांधींच्या प्रभावाखाली त्यांनी गुजरातमधील ग्रामस्थांना संघटित करून इंग्रजांच्या अत्याचाराविरुद्ध सत्याग्रह केल्याचेही त्यांनी सांगितले.
स्वातंत्र्यानंतर अखंड भारताच्या निर्मितीच्या दिशेने 564 हून अधिक संस्थानांना एकत्र करून देशाला जोडण्याचे पवित्र कार्य त्यांनी केले. आज आपण पाहत असलेला आधुनिक भारत हा त्यांच्या विशेष प्रयत्नांचे फळ आहे. ज्याप्रमाणे अनेक नद्या समुद्रात विलीन होऊन एक होतात, त्याचप्रमाणे आपल्या देशात अनेक जाती, समुदाय, पंथ, धर्माचे लोक एकत्र राहतात. “विविधतेत एकता” हा आपल्या देशाला एकसंध ठेवण्याचा मूळ मंत्र आहे. भारताच्या एकात्मता आणि अखंडतेसाठी त्यांनी दिलेल्या अमूल्य योगदानामुळे व त्यांच्या स्मृतीप्रित्यर्थ आज आपण राष्ट्रीय एकता दिवस म्हणून साजरा करतो. त्यांच्या स्मरणार्थ उभारलेला त्यांचा पुतळा “स्टॅच्यू ऑफ युनिटी” या नावाने प्रसिद्ध आहे, जो जगातील सर्वात उंच पुतळा म्हणून प्रसिद्ध आहे.
स्वातंत्र्यानंतर त्यांनी नोकरशाही अंतर्गत, विशेषतः आयएएस, आयपीएस, आयएफएस सारख्या महत्त्वाच्या प्रशासकीय सेवांचे कार्यान्वयन योग्य पद्धतीने सुरू ठेवण्याबाबत अमूल्य योगदान दिले. त्यांच्या अनेक कणखर निर्णयांमुळे आणि दृढनिश्चयामुळे त्यांना “लोहपुरुष” ही उपाधी देण्यात आली आहे. तसेच सर्व महिलांसाठी प्रेरणास्थान असलेल्या परम आदरणीय स्वर्गीय प्रियदर्शनी इंदिरा गांधी जी यांचे स्मरण करून प्रधान नियंत्रक महोदय म्हणाले की, या महान महिलेमुळेच आपल्या पूर्वेकडील सीमा सुरक्षित आहेत. त्यांच्या अदम्य धैर्याने आणि ठोस निर्णयामुळे मुजीबर रहमान यांच्या नेतृत्वाखाली स्वतंत्र बांगलादेश देशाची 1971 मध्ये स्थापना झाली. बांगलादेशच्या रूपाने एक नवीन राष्ट्र निर्माण झाले. याशिवाय, पोखरणमध्ये अणुबॉम्बची चाचणी करून आपल्या देशाला संपूर्ण जगात वेगळी ओळख देण्याच्या धाडसी निर्णयाचा उल्लेखही त्यांनी आपल्या भाषणात केला.
जेव्हा संपूर्ण जग अमेरिका आणि रशियाच्या दोन छावण्यांमध्ये विभागले गेले होते, तेव्हा प्रियदर्शनीजींनी अलिप्त चळवळीच्या अंतर्गत अनेक समविचारी राष्ट्रांना एकत्र करून शांततेचा नवा मार्ग जगाला दाखवला. आपल्या वडिलांप्रमाणेच इंदिरा गांधीजींचा पंचशील घटकांवर विश्वास होता. पंचशीलच्या वारशामुळे संपूर्ण जगात एकोपा आणि बंधुभावाचे वातावरण निर्माण करण्यात त्या यशस्वी झाली. आणीबाणीच्या संघर्षपूर्ण कालावधीनंतर त्यांनी पंतप्रधान म्हणून देशात पुनरागमन केले.
ओरिसातील बोलांगीर ऑर्डनन्स फॅक्टरी येथील त्यांच्या शेवटच्या सार्वजनिक कार्यक्रमात त्या म्हणाल्या होत्या की, ‘माझ्या रक्ताचा प्रत्येक थेंब माझ्या आयुष्याच्या शेवटपर्यंत देशाला उपयोगी पडेल. यानंतर, राष्ट्रहितासाठी त्यांनी चालवलेल्या ऑपरेशन ब्लूस्टारच्या निषेधार्थ 31 ऑक्टोबर 1984 रोजी त्यांच्याच रक्षकांनी त्यांचा विश्वासघात केला आणि त्यांचे वरील शब्द अक्षरशः खरे ठरले. म्हणूनच त्यांच्या स्मरणार्थ आज दहशतवाद विरोधी दिन साजरा केला जातो.

शेवटी प्रमुख पाहुण्यांनी सरदार वल्लभभाई पटेल आणि इंदिरा गांधी यांच्याकडून प्रेरणा घेऊन आपण देशात सद्भाव ठेवावा आणि द्वेष पसरवू नये, असा सल्ला दिला. जात, धर्म, जात, रंग या नावावर कोणताही भेदभाव होता कामा नये. आपण सर्वांनी बंधुभावाने आणि एकोप्याने राहावे. कार्यक्रमाचे सुत्रसंचालन सहाय्यक लेखाधिकारी सुहाना आरिफ यांनी केले.