कॅन्सर सर्जन डॉ. शेखर कुलकर्णी यांना ‘दिठी समाजभान पुरस्कार प्रदान

पुणे : कॅन्सर सर्जन व कलावंत डॉ. शेखर कुलकर्णी यांना ‘दिठी समाजभान पुरस्कार २०२३’ देऊन गौरविण्यात आले. राष्ट्रीय पारितोषिक विजेत्या सुप्रसिद्ध दिग्दर्शिका सुमित्रा भावे यांच्या स्मृतीप्रित्यर्थ हा पुरस्कार देण्यात येतो.

लाॅ कालेज रस्त्यावरील राष्ट्रीय चित्रपट संग्रहालय (एनएफएआय) येथे पुरस्कार सोहळ्याचे आयोजन करण्यात आले होते. सुमित्रा भावे यांच्या प्रथम स्मृतिदिनी  डॉ. शेखर कुलकर्णी  यांना पुरस्कार देण्यात आला.  यावेळी दिग्दर्शक सुनील सुकथनकर व सती भावे उपस्थित होते. सुमित्रा भावेंनी दाखवलेल्या दिशेने मार्गक्रमण करीत समाजकार्य व कला या क्षेत्रांत कार्य करणाऱ्या व्यक्ती वा संस्था यांना हा पुरस्कार देण्यात येतो.