लस घेऊया… आरोग्यमय दिवाळी साजरी करुया

सुरेखा जाधवर म्हणाल्या, रंगावली आणि दीपोत्सवाच्या माध्यमातून सणांचे महत्त्व सर्वांपर्यंत पोहोचविण्याकरीता दरवर्षी अशा विविध कार्यक्रमांचे आयोजन केले जाते. आपल्या संस्कृतीतील शुभ चिन्हे रंगावलीच्या माध्यमातून साकारुन हा उत्सव अधिक मंगलमय करण्याचा प्रयत्न केला जातो. यंदाची दिवाळी आरोग्यमय दिवाळी व्हावी, याकरीता लसीकरणाचा संदेश देण्यात आला आहे. नागरिकांनी मोठया संख्येने लसीकरण करुन कोविडसारख्या संकटाला दूर ठेवण्यास सहकार्य करण्याचे आवाहनही त्यांनी केले.