खजिना विहीर मंडळांच्या ‘सामाजिक उत्सवाला’ प्रारंभ

सदाशिव पेठेतील खजिना विहीर चौकातील विठ्ठल मंदिरात प्रातिनिधीक स्वरुपात मास्क व सॅनिटायझर परिमंडळ १ च्या पोलीस उपायुक्त स्वप्ना गोरे यांच्या हस्ते नागरिकांना देण्यात आले. उत्सवसमितीचे अध्यक्ष ओम सुरेश कासार, आशिष कोकाटे यांनी उपक्रमाचे आयोजन केले.

खडक पोलिस स्टेशनचे वरिष्ठ पोलिस निरीक्षक भरत जाधव, डी.वाय.एस.पी. योगेश फडतरे, पोलीस कर्मचारी सोमनाथ ढगे, निता रजपूत, श्री कासार, विनोद लोखंडे, स्वप्निल शिर्के, भरत पवार, पप्पू गोरे, विशाल लोखंडे, सौरभ मेथे, ओंकार बनसोडे, निखिल साळवी आदी यावेळी उपस्थित होते.

ओम कासार म्हणाले, सदाशिव पेठेत मास्क, सॅनिटायझर वाटपासोबतच बुधवार पेठेतील देवदासी महिलांना एक वेळचे जेवण देखील देण्यात आले. उत्सवाच्या काळातील अनावश्यक खर्च टाळून यंदा सामाजिक उत्सव साजरा करण्याचा निर्णय आम्ही घेतला आहे. त्यामुळे या प्रकारचे अनेक सामाजिक उपक्रम गणेशोत्सवात देखील आयोजित करण्यात येणार आहेत.