‘पत्रकारिता – धावपळ आणि अनिश्चितता’ या विषयावर संवाद

चित्रपटाच्या प्रदर्शनानंतर ‘पत्रकारिता-धावपळ आणि अनिश्चितता’ या विषयावर विशेष चर्चा आयोजित करण्यात आली आहे. ज्येष्ठ पत्रकार मुकुंद संगोराम, इंडियन एक्स्प्रेसचे छायाचित्रकार पवन खेंगरे, महाराष्ट्र टाइम्सचे चीफ रिपोर्टर सुनीत भावे आणि लेखक-दिग्दर्शक विक्रम पटवर्धन सहभागी होणार असून राजेश दामले सूत्रसंचालन करतील. पुणे श्रमिक पत्रकार संघ, पुणे पत्रकार प्रतिष्ठानच्या पदाधिकारी व सभासदांची विशेष उपस्थिती असणार आहे.

‘फ्रेम’ हा पत्रकारीतेवर आधारित सामाजिक चित्रपट असून त्यामध्ये पत्रकारांच्या व्यावसायिक जबाबदाऱ्या आणि माणुसकी यांच्यातील नाजूक सीमारेषेचे चित्रण केले आहे. या चित्रपटाचे लेखक-दिग्दर्शक विक्रम पटवर्धन असून अमेय वाघ आणि नागराज मंजुळे यांच्या प्रमुख भूमिका आहेत.

हा कार्यक्रम सर्वांसाठी खुला असून प्रवेश विनामूल्य आहे. काही जागा राखीव ठेवण्यात आल्या आहेत.