विधान परिषद निवडणुकीसाठी भाजप शिवसेनेचे बहुतांश जागांवर एकमत

मुंबई : आगामी विधान परिषद निवडणुकीच्या पार्श्वभूमीवर महायुतीतील जागावाटपाबाबत भाजप आणि शिवसेना शिंदे गटामध्ये महत्त्वाची बैठक पार पडली. उपमुख्यमंत्री Eknath Shinde यांच्या मुंबईतील नंदनवन या निवासस्थानी झालेल्या या बैठकीत दोन्ही पक्षांच्या वरिष्ठ नेत्यांनी सविस्तर चर्चा केली.
बैठकीला भाजपचे प्रदेशाध्यक्ष Ravindra Chavan यांच्यासह पक्षातील अनेक वरिष्ठ नेते उपस्थित होते. विधान परिषद निवडणुकीत कोणत्या पक्षाला किती जागा मिळणार, कोणत्या मतदारसंघात कोण उमेदवार देणार आणि विजयाची रणनीती कशी असणार यावर चर्चा करण्यात आली.
बैठकीनंतर भाजपच्या नेत्यांनी माध्यमांशी बोलताना बहुतांश जागांबाबत एकमत झाल्याचे सांगितले. जवळपास ९९ टक्के जागांवर सहमती झाली असून उर्वरित काही जागांवर अंतिम निर्णय वरिष्ठ नेत्यांच्या चर्चेनंतर घेतला जाईल, अशी माहिती देण्यात आली.
दरम्यान, सूत्रांच्या माहितीनुसार Eknath Shinde हे शिवसेनेसाठी सात जागांची मागणी कायम ठेवून असल्याचे समोर आले आहे. त्यामुळे काही जागांवर अजूनही चर्चेची प्रक्रिया सुरू असल्याचे बोलले जात आहे.
महायुतीतील नेत्यांनी विधान परिषद निवडणूक एकत्रितपणे लढवण्याचा निर्धार व्यक्त केला आहे. या निवडणुकीत महायुतीला १७ जागांवर विजय मिळेल, असा विश्वास भाजपच्या नेत्यांनी व्यक्त केला. तसेच, आगामी निवडणुकांमध्ये महायुती अधिक मजबूत करण्याच्या दृष्टीने सर्व पक्ष समन्वयाने काम करत असल्याचेही त्यांनी स्पष्ट केले.