इमॅजिन मार्केटिंग लिमिटेडने सेबीकडे अपडेटेड ड्राफ्ट रेड हेरिंग प्रॉस्पेक्टस (UDRHP I) सादर केला

यूडीआरएचपी 1 लिंक: https://www.sebi.gov.in/filings/public-issues/oct-2025/imagine-marketing-limited-udrhp_97510.html

भारतातील ब्रँडेड वैयक्तिक ऑडिओ श्रेणीतील सर्वात मोठा ब्रँड “boAt” अंतर्गत कार्यरत असलेल्या इमॅजिन मार्केटिंग लिमिटेडने त्यांचा अपडेटेड ड्राफ्ट रेड हेरिंग प्रॉस्पेक्टस (UDRHP) सिक्युरिटीज अँड एक्सचेंज बोर्ड ऑफ इंडियाकडे (SEBI) सादर केला आहे. कंपनीचा आर्थिक वर्ष 2025 साठी मूल्याच्या बाबतीत 26% आणि व्हॉल्यूमच्या बाबतीत 34% बाजार हिस्सा आहे.

प्रस्तावित प्रारंभिक सार्वजनिक ऑफरमध्ये (IPO) ₹1500 कोटी पर्यंतच्या प्रत्येकी ₹1 दर्शनी मूल्याच्या इक्विटी शेअर्सचा एकूण इश्यू समाविष्ट आहे, यात 500 कोटी रुपयांचे नवीन इक्विटी शेअर्स आणि 1000 कोटी रुपयांच्या इक्विटी शेअर्सच्या विक्रीची ऑफर समाविष्ट आहे. विक्रीच्या ऑफरमध्ये समीर अशोक मेहता यांचे 75 कोटी रुपयांचे इक्विटी शेअर्स, अमन गुप्ता यांचे 225 कोटी रुपयांचे इक्विटी शेअर्स, साउथ लेक इन्व्हेस्टमेंट लिमिटेड (प्रमोटर सेलिंग शेअरहोल्डर्स) यांचे 500 कोटी रुपयांचे इक्विटी शेअर्स तसेच फायरसाइड व्हेंचर्स इन्व्हेस्टमेंट फंड-1 (फायरसाइड व्हेंचर्स इन्व्हेस्टमेंट ट्रस्टची योजना) यांचे 150 कोटी रुपयांचे इक्विटी शेअर्स आणि क्वालकॉम व्हेंचर्स एलएलसी (वैयक्तिक सेलिंग शेअरहोल्डर्स) यांचे 50 कोटी रुपयांचे इक्विटी शेअर्स यांचा समावेश आहे.

कंपनीच्या 225 कोटी रुपयांच्या खेळत्या भांडवलाच्या गरजा पूर्ण करण्यासाठी, ब्रँड आणि मार्केटिंग खर्चासाठी निधी देण्यासाठी 150 कोटी रुपयांच्या उत्पादनांची आणि ब्रँडची जागरूकता तसेच दृश्यमानता वाढविण्यासाठी, सामान्य कॉर्पोरेट उद्देशांसाठी निव्वळ उत्पन्नाचा वापर करण्याचा प्रस्ताव ठेवला आहे.

2015 मध्ये लाँच झालेल्या “boAt” ब्रँड अंतर्गत ही कंपनी प्रामुख्याने काम करते. भारतातील तरुण, डिजिटली नेटिव्ह आणि तंत्रज्ञान आणि ट्रेंड-जागरूक ग्राहकांच्या वेगाने वाढणाऱ्या गटाला सेवा देणारी ऑडिओ, वेअरेबल्स आणि चार्जिंग सोल्यूशन्स उत्पादने देण्यावर कंपनी लक्ष केंद्रित करते. रेडसीर अहवालानुसार, मागणीचा विचार करता आर्थिक वर्ष 2020 ते 2025 पर्यंत दरवर्षी boAt ने भारतातील आघाडीची ब्रँडेड पर्सनल ऑडिओ कंपनी म्हणून आपले स्थान कायम ठेवले आहे. आर्थिक वर्ष 2025 मध्ये हा ब्रँड कमाईच्या बाबतीत भारतातील तिसरा सर्वात मोठा डिजिटल-फर्स्ट ब्रँड होता तर त्याच कालावधीत ब्रँडेड पर्सनल ऑडिओमध्ये व्हॉल्यूमच्या बाबतीत जागतिक स्तरावर चौथा क्रमांकावर होता.

भरभक्कम भांडवलाच्या पाठबळावर वेगाने वाढणाऱ्या ऑडिओ श्रेणीमध्ये सातत्यपूर्ण #1 आघाडीचे स्थान आणि त्यासोबतच्या अन्य विभागांमध्ये मजबूत उपस्थिती असलेली boAt ही भारतातील सर्वात मोठी डिजिटल-प्रथम ग्राहक उत्पादन कंपन्यांपैकी एक आहे. या ब्रँडला लक्षणीय इक्विटी, मार्केटमध्ये निर्विवाद वर्चस्व आणि आकर्षक मूल्य प्रस्ताव आहे, ज्याला इन-हाऊस संशोधन आणि विकासाचे तसेच महत्त्वपूर्ण भागीदारीद्वारे चालवल्या जाणाऱ्या मजबूत नावीन्यपूर्ण यंत्रणेचे पाठबळ आहे. ही उत्पादने भारतात एका लवचिक पुरवठा साखळीद्वारे डिझाइन तसेच उत्पादित केली जातात, ज्याला एका व्यावसायिक, सक्षम  व्यवस्थापन टीमच्या मार्गदर्शनाखाली, उत्तम उद्योग कौशल्यासह आघाडीच्या ऑनलाइन प्लॅटफॉर्मवर पसरलेल्या वैविध्यपूर्ण चॅनेल मिक्स आणि विस्तारित ऑफलाइन फूटप्रिंटद्वारे समर्थित केले जाते.

आर्थिक वर्ष 2025 मध्ये, boAt ने भारतात 34 दशलक्षांहून अधिक युनिट्सची विक्री केली, ज्यामुळे देशातील वेगाने वाढणाऱ्या ग्राहक तंत्रज्ञान परिसंस्थेत त्यांचे नेतृत्व अधोरेखित झाले. कंपनीने ऑडिओ विभागातून आपल्या प्रवासाला सुरुवात केली असली तरी आता, तिने स्मार्टवॉच आणि स्मार्ट रिंग्ज सारखी वेअरेबल उत्पादने आणि केबल्स, चार्जर्स तसेच पॉवर बँक्ससह चार्जिंग सोल्यूशन्समध्ये वैविध्य आणत पर्याय उपलब्ध करून दिले आहेत. 30 जून 2025 पर्यंत, boAt ने बाजार मूल्यास अनुसरून 250हून अधिक उत्तम दर्जाची, जीवनशैली-केंद्रित आणि तंत्रज्ञान-केंद्रित उत्पादने ऑफर केली.

आर्थिक वर्ष 25 मध्ये, boAt ने ऑपरेशन्स मधून (उत्पादनांच्या विक्री) एकूण ₹3070.38 कोटी उत्पन्न नोंदवले. उत्पादन श्रेणीनुसार, ऑडिओ विभाग हा महसूल मिळवून देणारा प्रमुख घटक राहिला आहे. ज्याने ₹2586.040 कोटी किंवा ऑपरेशन्सच्या एकूण उत्पन्नाच्या 84.23% योगदान दिले. वेअरेबल्स विभागाचा वाटा ₹330.414 कोटी होता, जो एकूण महसुलाच्या 10.76% एवढा होता, तर इतर उत्पादनांचा वाटा ₹153.933 कोटी होता, जो 5.01% होता. हे आकडे ऑडिओ श्रेणीतील boAt च्या सातत्यपूर्ण नेतृत्वाला अधोरेखित करतात. याला वेअरेबल्समधील वाढते व्यवहार आणि विविध चॅनेल्समध्ये वैविध्यपूर्ण उत्पादन पोर्टफोलिओचे पाठबळ मिळाले आहे. आर्थिक वर्ष 25मध्ये, boAt ने ₹61.08 कोटींचा नफा नोंदवला, मागील वर्षी नोंदवलेल्या तोट्यातून केलेल्या बदलाचे हे प्रतिबिंब आहे. कंपनीने ₹142.519 कोटींचा EBITDA मिळवला, ज्याचे EBITDA मार्जिन 4.64% एवढे होते. हे आकडे नफा आणि ऑपरेशनल कार्यक्षमतेतील लक्षणीय सुधारणा दर्शवितात.

डिजिटल-फर्स्ट ब्रँड असलेल्या boAt ने ई-कॉमर्स मार्केटप्लेस, त्याची D2C वेबसाइट आणि वेगाने वाढणारी ऑफलाइन केंद्रे यांच्या साहाय्याने एक वैविध्यपूर्ण वितरण नेटवर्क तयार केले आहे. 30 जून 2025 पर्यंत, 112 वितरकांच्या माध्यमातून 25 राज्ये आणि 5 केंद्रशासित प्रदेशांमधील 12,000 हून अधिक ऑफलाइन किरकोळ विक्रेत्यांपर्यंत त्याचा विस्तार झाला आहे. तर 30 जून 2025 पर्यंत क्रोमा आणि विजय सेल्ससह सर्व आघाडीच्या ओम्निचॅनेल किरकोळ विक्रेत्यांपर्यंत पोहोचले. आर्थिक वर्ष 2025 मध्ये, ऑनलाइन चॅनेल्सच्या माध्यमातून ₹2166.072 कोटी एवढा महसूल मिळाला. जो एकूण विक्रीच्या 70.55% होता, तर ऑफलाइन विक्री ₹904.315 कोटी होती, जी 29.45% होती. boAt च्या ओम्निचॅनेल धोरणाची सातत्यपूर्ण ताकद डिजिटल आणि प्रत्यक्षातील अशा दोन्ही रिटेल प्लॅटफॉर्मवर त्याची संतुलित वाढ अधोरेखित करते, ज्याला ग्राहकांची मजबूत मागणी आणि संपूर्ण भारतातील प्रभावी वितरण यांचे पाठबळ आहे.

कंपनी संपूर्ण भारतात 115 हून अधिक थर्ड पार्टी सेंटर्स चालवते आणि मध्य पूर्व, नेपाळ तसेच इतर दक्षिण आशियाई बाजारपेठांपर्यंत त्याचा विस्तार केला आहे. आर्थिक वर्ष 25मध्ये, boAt ने भारतातील कामकाजातून ₹3058.77 कोटी एवढा महसूल कमावला. जो एकूण विक्रीच्या 99.62% इतका होता.

आर्थिक वर्ष 2026च्या पहिल्या तिमाहीत 75 दशलक्षाहून अधिक युनिट्स देशांतर्गत उत्पादित केली गेली आणि त्यातील 75.83% (आर्थिक वर्ष 2023 मधील 39.65% पेक्षा जास्त) भारतात उत्पादित करण्यात आली. boAt त्याच्या पुरवठा साखळीची लवचिकता तसेच तत्परता अधिक भक्कम करत आहे. त्याचे संस्थापक, समीर मेहता आणि अमन गुप्ता, सीईओ गौरव नय्यर, एक व्यावसायिक व्यवस्थापन टीम आणि वॉरबर्ग पिंकस, क्वालकॉम व्हेंचर्स, फायरसाइड व्हेंचर्ससह प्रमुख गुंतवणूकदार कंपनीला अधिकाधिक यशस्वी करत आहेत.

आयसीआयसीआय सिक्युरिटीज लिमिटेड, गोल्डमन सॅक्स (इंडिया) सिक्युरिटीज प्रायव्हेट लिमिटेड, जेएम फायनान्शियल लिमिटेड आणि नोमुरा फायनान्शियल ऍडव्हायझरी अँड सिक्युरिटीज (इंडिया) प्रायव्हेट लिमिटेड हे या इश्यूचे बँकर आहेत.