Day: October 30, 2025

कमळीचा प्रवास सुरुवातीपासूनच संघर्षमय आणि प्रेरणादायी राहिला आहे. साध्या पार्श्वभूमीतून आणि गावाकडून आलेली कमळी आज स्वतःची ओळख निर्माण करण्यासाठी झगडत आहे. परिस्थिती कितीही कठीण असली तरी तिने हार मानली नाही. तिचा आत्मविश्वास, धैर्य आणि प्रामाणिकपणा यामुळे प्रेक्षकांच्या मनात ती खास स्थान मिळवत आहे. या आठवड्यातील भागांमध्ये कमळीच्या आयुष्यात काही नवे वळण येणार आहे, जे तिच्या संघर्षाला आणि नात्यांना अधिक गहिरं करतील. सरोज आणि ऋषी यांची अनपेक्षित भेट होणार आहे आणि योगायोगाने ती नयनताराच्या घरी राहायला लागलेय. स्वयंपाकघरात मदत करू लागलेय आणि हळूहळू घरातील लोकांच्या मनात जागा बनवते. सरोजच्या कामामुळे नयनतारा प्रभावित होते आणि आभार म्हणून ती कमळी आणि अन्नपूर्णा आज्जी सोबत संपूर्ण कुटुंबाला डिनरसाठी आमंत्रित करते. ही भेट पुढील घटनांसाठी एक महत्त्वाचा टप्पा ठरणार आहे. डिनरच्या वेळी कमळी, सरोज आणि राजन एकाच छताखाली येणार आहेत. जेवणाच्या चवीवरून राजनला काहीतरी ओळखीचं जाणवतं, पण कोडे अजून सुटत नाहीये. दरम्यान अनिका आणि नयनतारा हृषीसमोर डाव रचते, या सर्व घडामोडींमुळे घरात तणाव निर्माण होतो. दरम्यान, प्राजक्ताच्या वाढदिवसाच्या निमित्ताने नवा गोंधळ निर्माण होतो. अनिकाला पार्टीला बोलावलं जात नाही, त्यामुळे तिच्या मनात राग आहे. हा क्षण मालिकेतील एक निर्णायक टप्पा ठरतो कारण हाच तो क्षण आहे जेव्हा नयनतारा आणि कमळीचा पहिला आमनासामना होणार आहे. आपल्या आत्मसन्मानासाठी आणि प्रियजनांसाठी लढणारी कमळी आता नयनताराच्या विरोधात उभी राहते. पुढे जाऊन या संघर्षाचं रूप अधिक तीव्र होणार आहे. आता सरोज आणि कमळीची भेट होईल ? नयनतारा, कमळीला कसे उत्तर देणार?  प्रेक्षकांसाठी कमळी मालिकेचे येणारे भाग उत्सुकतेने भरलेले असणार हे नक्की. यासाठी बघायला विसरू नका ‘कमळी’ दररोज रात्री ९ वा. सदैव तुमच्या झी मराठीवर.

  पुणे : प्रधानमंत्री आवास योजना (ग्रामीण) अंतर्गत पुणे जिल्ह्यातील खेड तालुक्यातील ग्रामपंचायत रासे येथे भूमिहीन व बेघर कुटुंबांसाठी उभारण्यात

  पदवीधर मतदार नोंदणीतील त्रुटींवर हायकोर्टात याचिका दाखल पुणे : पदवीधर मतदारसंघातील विद्यमान मतदार नोंदणी प्रक्रियेतील त्रुटी, पुनर्नोंदणीच्या सक्तीमुळे निर्माण

कलर्स मराठीवरील लोकप्रिय मालिका ‘आई तुळजाभवानी’ आता एका महत्त्वपूर्ण टप्प्यावर पोहोचली आहे. भक्ती, शक्ती आणि नियती यांच्या संगमातून घडणाऱ्या या

सध्या जोरदार चर्चेत असलेल्या ‘लास्ट स्टॉप खांदा…’ या चित्रपटाचं टायटल साँग लाँच करण्यात आलं आहे. प्रत्येकाला थिरकायला लावणारं हे गाणं

व्यवस्थापनाच्या तांत्रिक कामामुळे ३ नोव्हेंबर रोजी शिवसृष्टी राहणार बंद पुणे  : नव्या पिढीला मराठ्यांचे साम्राज्य, मराठी अलंकार आणि मराठ्यांचा इतिहास