मुथूट मायक्रोफिनला केअरएज-ESG 1 रेटिंगसह ७२.२ गुण; भारतात जबाबदार वित्तसेवेचा नवा आदर्श प्रस्थापित

कोची : शाश्वत व सर्वसमावेशक वित्तसेवांप्रती असलेल्या वचनबद्धतेला मोठा पाठिंबा मिळवत, मुथूट मायक्रोफिन लिमिटेडने ७२.२ असा उत्कृष्ट ESG गुण मिळवला असून, केअर ईएसजी रेटिंग्स लिमिटेड (SEBI परवाना प्राप्त ESG रेटिंग प्रदाता) कडून CareEdge-ESG 1 ही सर्वोच्च रेटिंग प्राप्त केली आहे. यामुळे मुथूट मायक्रोफिन भारतातील आर्थिक सेवा क्षेत्रातील ESG नेतृत्वकर्त्यांपैकी एक ठरली असून, नैतिक प्रशासन, समाजाभिमुख वित्तव्यवस्था आणि जबाबदार विकासासाठी नवे मानदंड प्रस्थापित केले आहेत.

मुथूट मायक्रोफिनने ESG च्या सर्व प्रमुख स्तंभांमध्ये उद्योगातील सरासरीपेक्षा सरस कामगिरी केली आहे. या रेटिंगमुळे ESG जोखमींचे व्यवस्थापन करण्याच्या बाबतीत, उत्कृष्ट प्रकटनं, धोरणं आणि कामगिरीच्या आधारे कंपनीला ‘लीडरशिप’ स्थान प्राप्त झाले आहे. विशेष म्हणजे, हा ESG रेटिंग क्षेत्रात CARE कडून आतापर्यंत दिला गेलेला सर्वाधिक गुणांकन स्कोअर आहे.

ही रेटिंग मुथूट मायक्रोफिनच्या पर्यावरणीय, सामाजिक व प्रशासनात्मक (ESG) उत्कृष्टतेला त्यांच्या मूलभूत कार्यपद्धतीत प्रभावीपणे समाविष्ट करण्याच्या नेतृत्वाची पावती देते — ग्रामीण भारतातील महिला कर्जदारांना सक्षम बनवण्यापासून ते हवामान जोखीम समावेशनात आघाडी घेणे आणि सर्वसमावेशक कार्यसंस्कृती राबवण्यापर्यंत.

मुथूट मायक्रोफिनच्या ESG नेतृत्वाचे प्रमुख ठळक मुद्दे:

• शासन गुणांक: ७८.९ (उद्योग सरासरी ६४.५):

– विविध आणि स्वतंत्र बोर्ड, मजबूत गुंतवणूकदार संबंध, ISO 27000 प्रमाणित डेटा संरक्षण, आणि

– बोर्ड-अनुमोदित नैतिकता, अँटी-ब्रायबरी आणि व्हिसलब्लोइंग धोरणे यांच्या पाठीशी.

• सामाजिक गुणांक: ७२.१ (उद्योग सरासरी ५६.५):
  –  १००% महिला कर्जदारांचा आधार
  –  उद्योगातील सर्वोत्तम तक्रार निवारण यंत्रणा, ९५% निराकरण दर
  –  समांतर वेतन (पुरुष-स्त्री वेतन गुणोत्तर १:१) आणि सहा सलग ‘ग्रेट प्लेस टू वर्क’ प्रमाणपत्रे
• पर्यावरणीय कार्यप्रदर्शन गुणांक: ५४.६ (शीर्ष चौथाई):
  – ५० शाखांमध्ये छतावरील सौर ऊर्जा; ग्रीन कर्जांमध्ये २७.५ कोटी रुपये वितरित
  –  २०४० पर्यंत नेट झिरो उत्सर्जन लक्ष्य—उद्योग मानकांपेक्षा खूप पुढे
  – ESG जोखीम नोंदणी आणि हवामान जोखीम चौकट अस्तित्वात

 

मुथूट मायक्रोफिनने FY24 दरम्यान कोणतीही डेटा सुरक्षाभंग घटना न घडता प्रगत डेटा प्रशासन सुनिश्चित केले असून, डिजिटल वैयक्तिक डेटा संरक्षण कायदा (Digital Personal Data Protection Act) याच्या पूर्ण पालनासह मजबूत प्रवेश प्रोटोकॉलही अंमलात आणले आहेत.

सर्वसमावेशक वाढीचा कृतीशील अवलंब
मुथूट मायक्रोफिनच्या “पिंक हायरींग” आणि “HER उपक्रम” या स्त्री-सशक्तीकरणास चालना देणाऱ्या उपक्रमांमधून लैंगिक समतेसाठी कंपनीच्या बांधिलकीचे प्रतिबिंब दिसते. कंपनी इलेक्ट्रिक वाहन खरेदीसाठी आर्थिक मदत तसेच अनुदानित निवास सुविधा पुरवते, ज्यामुळे कर्मचारी गळती कमी होते आणि एक सशक्त व स्थिर कर्मचारीवर्ग घडतो.

मुथूट मायक्रोफिनचे मुख्य कार्यकारी अधिकारी सादाफ सय्यद म्हणाले:  “मुथूट मायक्रोफिनमध्ये ESG हे केवळ एक पूरक विचार नाही, तर व्यापक सामाजिक परिणाम साधण्याच्या आमच्या कार्यपद्धतीचे मुख्य तत्त्व आहे. ही सर्वोच्च ESG रेटिंग आमच्या समुदायसशक्तीकरण, लवचिकता निर्माण आणि अर्थपूर्ण विकासाच्या वचनबद्धतेचे प्रतिबिंब आहे.” ते पुढे म्हणाले, “जेव्हा एखादी संस्था पर्यावरणाला प्राधान्य देते, समुदायांचा उत्थान करते आणि मजबूत नैतिक मूल्ये जोपासते, तेव्हा ती दीर्घकालीन यशस्वी संचालन व शाश्वत वाढीसाठी भक्कम पाया घालते.”

CareEdge-ESG 1 ही रेटिंग शासन, सामाजिक प्रभाव आणि हवामान जोखीम समावेशन अशा १,५०० हून अधिक डेटा पॉइंट्सच्या मूल्यांकनावर आधारित आहे. ESG च्या तिन्ही स्तंभांमध्ये मुथूट मायक्रोफिनने उद्योग सरासरी (५६.८) पेक्षा अधिक गुण मिळवले आहेत. ही ESG रेटिंग शाश्वतता, जबाबदार वित्तपुरवठा आणि नैतिक प्रशासन यामध्ये मुथूट मायक्रोफिनच्या स्पष्ट धोरणात्मक दिशेला अधोरेखित करते, आणि ESG-जागरूक गुंतवणूकदारांसाठी ती एक विश्वासार्ह भागीदार ठरते.