पीआयएमएसईत एमबीए विद्यार्थ्यांसाठी व्यक्तिमत्व विकास सत्राचे आयोजन!

पुणे  : PIMSE मध्ये प्रशिक्षण आणि प्लेसमेंट सेलतर्फे एमबीए विद्यार्थ्यांसाठी व्यक्तिमत्व विकासावर विशेष सत्र आयोजित करण्यात आले. हे सत्र हॅबिन्सन इंटरनॅशनलचे संस्थापक श्री. अदनान सिद्दीकी आणि सहसंस्थापक श्री. भूषण कुतवाल यांनी घेतले.
श्री. सिद्दीकी यांनी प्रभाव टाकण्याचे चार घटक – पदसत्ता, भावना, कौशल्य आणि मानवी संवाद यावर मार्गदर्शन केले. तसेच, नोकरीच्या मुलाखतीसाठी प्रभावी स्वतःची ओळख कशी तयार करावी यावर महत्त्वपूर्ण टिप्स दिल्या. उद्योजकतेच्या संकल्पना आणि करिअरमध्ये जबाबदारी घेण्याच्या भूमिकेवरही चर्चा झाली.
विद्यार्थ्यांनी या माहितीपूर्ण सत्राचा मोठ्या उत्साहाने लाभ घेतला. लवकरच PIMSE आणि हॅबिन्सन इंटरनॅशनल यांच्यात सामंजस्य करार (MoU) होणार असून, यामुळे विद्यार्थ्यांसाठी नवनवीन संधी उपलब्ध होतील.
हा उपक्रम डॉ. पायल समदरिया यांनी डॉ. पोरीनिता बॅनर्जी संचालक, यांच्या मार्गदर्शनाखाली यशस्वीपणे आयोजित केला.