पीआयएमएसईत पारंपरिक दिन उत्साहपूर्ण साजरा!

पुणे  : PIMSE मध्ये पारंपरिक दिन मोठ्या उत्साहात साजरा करण्यात आला. या विशेष दिवसाचा उद्देश विविध संस्कृती, परंपरा आणि मूल्यांची जाणीव करून देत ‘एकता आणि विविधता’ या संकल्पनेला बळकटी देणे हा होता.
विद्यार्थ्यांनी तमिळनाडू, काश्मीर, पंजाब, हैदराबाद, उत्तर प्रदेश, केरळ आणि महाराष्ट्रासह विविध भारतीय संस्कृतींचे दर्शन घडवले. तसेच, मध्यपूर्वेच्या आंतरराष्ट्रीय संस्कृतीचेही सादरीकरण करून जागतिक विविधतेचे महत्त्व अधोरेखित केले.
कार्यक्रमाचा समारोप उत्कृष्ट सादरीकरण करणाऱ्या विद्यार्थ्यांच्या सन्मानाने झाला. हा शानदार सोहळा डॉ. पायल समदरिया आणि श्रीमती लुबना शेख यांनी यशस्वीपणे आयोजित केला, तर संचालक (कार्यवाहक) डॉ. पोरीनिता बॅनर्जी यांच्या प्रेरणादायी नेतृत्वाने विद्यार्थ्यांना प्रोत्साहन दिले.