‘आदिशक्ती’ रथातून अखिल मंडई मंडळाच्या गणरायाला निरोप

पुणे : रौद्र रुपातील कालीमातेची १५ फूट उंचीची मूर्ती असलेल्या ‘आदिशक्ती’रथात विराजमान होऊन अखिल मंडई मंडळाच्या गणरायाची विसर्जन मिरवणूक थाटात पार पडली. आकर्षक विद्यूत रोषणाई असलेला भव्य  ‘आदिशक्ती रथ’ डोळ्याचे पारणे फेडणारा होता. शारदा गणपतीचे दर्शन घेण्यासाठी भाविकांनी यावेळी गर्दी केली होती. यंदा प्रथमच शारदा गणपतीची मूर्ती ६० अंशात फिरत असल्यामुळे दोन्ही बाजूने भाविकांना मूर्तीचे दर्शन घेता आले. गणेशोत्सवाची सांगता मिरवणूक अनंत चतुर्दशीला मंगळवार, दिनांक १७ सप्टेंबर रोजी सायंकाळी ८ वाजता निघाली.