पुण्यातील ‘या’ भागात गुरुवारी पाणी बंद राहणार 

पुणे : महापालिकेच्या चतुश्रुंगी पाणी पुरवठा विभागाअंतर्गत सिंध सोसायटी समोरील मेट्रो मार्गात अडथळा ठरणारी पाण्याची लाईन बदलण्याचे काम येत्या गुरुवारी करण्यात येणार आहे. त्यामूळे औंध रस्ता, बोपोडी तसेच बाणेर परिसरातील पाणीपुरवठा बंद ठेवण्यात येणार आहे, अशी माहिती महापालिकेचे पाणी पुरवठा विभागाचे अधिकारी अनिरुद्ध पावसकर यांनी दिली. तर दुसऱ्या दिवशी सकाळी उशिरा व कमी दाबाने पाणी सोडण्यात येणार आहे.

पाणीपुरवठा बंद राहणारा भाग पुढीलप्रमाणे :
औंध गावठाण परिसर, आय.टी.आय. रोड परिसर, स्पायसर कॉलेज परिसर औंध रोड, बोपोडी गावठाण, मुंबई – पुणे रोड, भोईटे वस्ती, सानेवाडी, आनंद पार्क, दर्शन पार्क परिसर, डी-मार्ट परिसर बाणेर फाटा ते महाबळेश्वर हॉटेल दोन्ही बाजूचा परिसर, वर्षा पार्क, माउली मंगल कार्यालय परिसर