विश्व हिंदू परिषदेतर्फे रविवारी (दि.५) एकाच वेळी ११ ठिकाणी रक्तदान महायज्ञ

पुणे : अयोध्येमध्ये कारसेवा करताना हुतात्मा झालेल्या कोठारी बंधूंना आणि भारताच्या सिमेवर हुतात्मा जवान व कारगिल विजय दिनाच्या स्मरणार्थ विश्व हिंदू परिषद बजरंग दल सिंहगड भागातर्फे रक्तदान महायज्ञाचे आयोजन करण्यात आले आहे. रविवार, दिनांक ५ डिसेंबर रोजी एकाच वेळी ११ ठिकाणी सकाळी ९ ते दुपारी ३ पर्यंत रक्तदान शिबीरे होणार आहेत.

करुनी दान रक्ताचे, ॠण फेडू समाजाचे या उक्तीप्रमाणे दरवर्षी रक्तदान महायज्ञाचे आयोजन केले जाते. यंदा सिंहगड रस्ता परिसरातील सनसिटी सोसायटी, वांजळे जलतरण तलाव, आनंद मारुती मंदिर आनंदनगर, अनुश्री हॉल माणिकबाग, लक्ष्मीनारायण मंदिर नांदेड गाव, काळभैरवनाथ मंदिर न-हे, भिडेवाडी क्लब हाऊस अभिरुची मॉलच्या मागे, जगताप मनपा शाळा हिंगणे खुर्द, मोफत वाचनालय राजयोग सोसायटी रोड, वस्ताद हरिभाऊ पोकळे शाळा धायरी, भैरवनाथ मंदिर वडगाव बुद्रुक अशा ११ ठिकाणी रक्तदान शिबीरे होणार आहेत. तरी सर्व नागरिकांनी, कार्यकर्त्यांनी मोठया संख्येने शिबीरात सहभागी व्हावे, असे आवाहन परिषदेतर्फे करण्यात आले आहे.