डिसेंबरपर्यंत संपूर्ण लसीकरण ही राजकारण्यांची थापच – सायरस पूनावाला यांचा मोदींवर निशाणा    

पूनावाला म्हणाले, कोविशिल्ड ही जगातील सर्वात स्वस्त लस आहे. अतिशय माफक दरात आम्ही ही लस देत आहोत. पुण्यामधील रुग्णसंख्या तर मुंबईपेक्षाही जास्त असल्याचं चित्र मध्यंतरी निर्माण झालं होतं. याच पार्श्वभूमीवर पुण्यातीलच सिरम इन्स्टिट्यूट ऑफ इंडियामध्ये तयार होणाऱ्या कोव्हिशिल्ड लसी आधी पुण्यात द्याव्यात अशी मागणी करण्यात आली. मात्र त्यावर काही ठोस निर्णय झाला नाही. तरी यासंदर्भातील एक मोठा खुलासा आता पूनावाला यांनी केला आहे. पुण्यामध्ये सर्वाधिक करोना रुग्ण असल्याचं अहवालामधून दिसून आल्यानंतर आम्ही पुण्याला सर्वाधिक लसींचा पुरवठा करण्याबद्दल विचारणार केली होती. मात्र केंद्रातील मोदी सरकारने त्यावर काहीच उत्तर दिलं नसल्याचं सायरस पूनावाला म्हणाले आहेत.

‘कोव्हिशिल्ड’ च्या निर्यातीला परवानगी मिळावी 

सिरम इन्स्टिट्यूट ऑफ इंडियाने आतापर्यंत अनेक देशांना वेगवेगळ्या प्रकारच्या लसी निर्यात केल्या आहेत. ‘कोव्हिशिल्ड’ साठी सुमारे १५० देश लसींच्या प्रतीक्षेत आहेत. अडचणींच्या काळात आपण त्यांना मदत नाही करणार तर कधी करणार? बिलगेस्ट फाऊंडेशनने 5 हजार कोटी रुपये आगाऊ दिले आहेत. पण ‘कोव्हिशिल्ड’च्या निर्यात बंदीमुळे आम्ही त्यांना लस देऊ शकत नाही, असे म्हणत सारस पूनावाला यांनी मोदी सरकारने लसींच्या निर्यातीला परवनगी द्यायला हवी, अशी मागणीही केली आहे.