BMC महापौर पदासाठी उल्लेखनीय काम करणाऱ्या तरुण नगरसेविकांची ही नावे

मुंबई प्रतिनिधी

मुंबईचे महापौर पद सर्वसाधारण महिला प्रवर्गासाठी आरक्षित झाल्यानंतर भारतीय जनता पक्षातील अनेक वेळा निवडून आलेल्या नगरसेविकांबरोबरच आपल्या प्रभावी कार्यशैलीने उल्लेखनीय काम करणाऱ्या तरुण नगरसेविकांची ही नावे महापौर पदासाठी चर्चेत आली आहेत.

सूत्रांनी दिलेल्या माहितीनुसार, भाजप मुंबईच्या महापौरपदी एखाद्या अनुभवी मराठी महिला नगरसेविकेला संधी देण्याच्या तयारीत आहे. महापौर पदावर मराठी भाषिक नगरसेविका विराजमान करण्याचा भाजपचा विचार आहे. महायुतीच्या रणनीतीमध्ये हा चेहरा अत्यंत महत्त्वाचा ठरणार आहे. सध्या भाजपकडे ४७ महिला नगरसेविका आहेत. त्यापैकी कोणाला संधी मिळणार, याकडे सर्वांचेच लक्ष लागले आहे.

महापौरपदासाठी भाजपच्या दावेदार महिला नगरसेविका
अलका केरकर: अनुभवी नगरसेविका, ज्यांनी महिला राखीव जागेवर विजय मिळवला
तेजस्वी घोसाळकर: भाजपचा तरुण आणि सक्रिय चेहरा
राजश्री शिरवाडकर: आपल्या उत्तम वक्तृत्व कौशल्यासाठी प्रसिद्ध
राणी द्विवेदी: मूळच्या नागपूरच्या असून मुंबईतील एक प्रमुख मराठी चेहरा
श्वेता कोरगावकर: पक्षातील अभ्यासू आणि कार्यक्षम नगरसेविका
योगिता पाटील: महिला राखीव जागेवरून निवडून आलेल्या प्रबळ दावेदार
सीमा किरण शिंदे: राखीव जागेवरील अनुभवी प्रतिनिधी
डॉ. शिल्पा सांगोरे: सुशिक्षित नगरसेविका म्हणून चर्चेत
दक्षिता कवठणकर: भाजपच्या नगरसेविकांच्या यादीतील महत्त्वाचे नाव
लीना देहरकर: राखीव जागेवरून निवडून आलेल्या सक्रिय नेत्या

निशा बंतेरा: पक्षाच्या महत्त्वाच्या महिला नगरसेविका
भाजपच्या गोटातून महापौरपदासाठी अनेक दिग्गज आणि तरुण नावांची चर्चा आहे. सध्या अलका केरकर, तेजस्वी घोसाळकर आणि राजश्री शिरवाडकर यांची नावे आघाडीवर असली तरी हायकमांड कोणाच्या गळ्यात महापौरपदाची माळ टाकणार, याकडे सर्वांचे लक्ष लागले आहे.