सॅमको म्युच्युअल फंड तर्फे भारतातील पहिला^ सक्रियरीत्या व्यवस्थापित मोमेंटम-आधारित मिड-कॅप फंड सादर

मुंबई : सॅमको ॲसेट मॅनेजमेंट प्रायव्हेट लिमिटेडने आज सॅमको मिड कॅप फंड सादर करत असल्याची घोषणा केली. हा भारतातील पहिला सक्रियरीत्या व्यवस्थापित मोमेंटम-आधारित मिड-कॅप फंड असून मजबूत महसूल, मिळकत नफा आणि किमतीतील मोमेंटम दर्शवणाऱ्या उदयोन्मुख व्यवसाय ओळखणे आणि त्यात गुंतवणूक  करणे हा त्याचा उद्देश आहे. न्यू फंड ऑफर (एनएफओ) 21 जानेवारी 2026 ते 04 फेब्रुवारी 2026 या कालावधीत सदस्यत्वासाठी खुला असेल.

सॅमको मिड कॅप फंड ही एक ओपन-एंडेड इक्विटी योजना असून, बाजार भांडवलानुसार 101 व्या ते 250 व्या क्रमांकातील मिड-कॅप कंपन्यांमध्ये प्रामुख्याने गुंतवणूक करेल. शिस्तबद्ध गुंतवणूक चौकटीत वाढ आणि स्थैर्य यांचा समतोल साधण्याचा या फंडाचा प्रयत्न आहे. हा फंड सॅमकोच्या मालकीच्या C.A.R.E. मोमेंटम स्ट्रॅटेजीवर—क्रॉस-सेक्शनल, ॲब्सोल्यूट, रेव्हेन्यू आणि अर्निंग्स मोमेंटम—आधारित आहे. संख्यात्मक मॉडेल्स आणि मूलभूत विश्लेषण यांचे संयोजन करून उत्कृष्ट किंमत आणि व्यवसाय मोमेंटम दर्शवणाऱ्या कंपन्यांची निवड करते. सविस्तर माहितीसाठी कृपया फंडचे स्कीम इन्फॉर्मेशन डॉक्युमेंट वाचा.

भारताचा मिड-कॅप विभाग दीर्घकालीन संपत्ती निर्मितीचे एक प्रभावी इंजिन ठरत आहे. आजपर्यंत मिड-कॅप्सनी आकर्षक जोखीम-समायोजित परतावे दिले आहेत. निफ्टी मिडकॅप 150 TRI ने सुरुवातीपासून 17.47% CAGR निर्माण केला असून, विस्तारित बाजार चक्रांमध्ये लार्ज-कॅप मापदंडापेक्षा अधिक कामगिरी केली आहे. याशिवाय, मोमेंटम हा घटक गेल्या 20 वर्षांत व्यापक निर्देशांकापेक्षा जवळपास 6% CAGR ने जास्त परतावा देत आला आहे. त्यातून मिड-कॅप क्षेत्रात दीर्घकालीन अल्फा जनरेटर घटक म्हणून त्याची परिणामकारकता अधोरेखित होते. स्रोत: निफ्टी इंडिसेस डेटा 1 एप्रिल 2005 ते 31 डिसेंबर 2025. अस्वीकरण: भूतकाळातील कामगिरी भविष्यात कायम राहीलच असे नाही आणि ती भविष्यातील परताव्याची हमी देत नाही. निर्देशांक परतावे हे योजनेच्या परताव्याचे द्योतक नाहीत आणि फक्त मोमेंटम या घटकाचे उदाहरण म्हणून नमूद करण्यात आले आहे.

म्हणूनच, सॅमको मिड कॅप फंडचे सादरीकरण हे मिड-कॅप गुंतवणुकीत शिस्तबद्ध, मोमेंटम-प्रणीत दृष्टिकोन लागू करून या संभाव्य संधीचा लाभ घेण्याचा प्रयत्न करते. संख्यात्मक मॉडेल्सची विश्लेषणात्मक ताकद आणि मूलभूत संशोधनातील माहिती एकत्र करून, हा फंड उद्याचे लार्ज-कॅप अग्रणी सुरुवातीच्या टप्प्यावर ओळखण्याचा प्रयत्न करतो. त्यामुळे गुंतवणूकदारांना भारतातील उद्योजकीय वाढीच्या पुढील संभाव्य लाटेत सहभागी व्हायला मदत होऊ शकते.

सादरीकरणाबाबत प्रतिक्रिया देताना सॅमको ॲसेट मॅनेजमेंट प्रायव्हेट लिमिटेडचे मुख्य कार्यकारी अधिकारी विराज गांधी म्हणाले: “मिड-कॅप कंपन्या या भारताच्या विकास कथेतला सर्वात आकर्षक भाग दर्शवतात. स्मॉल-कॅप्सची विस्तार ऑफर आणि प्रस्थापित व्यवसायांची संभाव्य स्थिरता या दोन्ही गोष्टी त्या देऊ शकतात. आमच्या मोमेंटम-आधारित दृष्टिकोनाद्वारे मिळकत, महसूल आणि शेअर कामगिरीत आधीच नेतृत्व दर्शवणाऱ्या कंपन्यांची ओळख करून गुंतवणूकदारांना या संभाव्य संधीचा लाभ घेण्यास मदत करण्याचा आमचा उद्देश आहे.”

हा फंड निफ्टी मिड कॅप 150 टोटल रिटर्न्स इंडेक्स (TRI) वर बेंचमार्क केला असून अनुभवी गुंतवणूक टीमद्वारे व्यवस्थापित केला जाईल. या टीमचे नेतृत्व मूलभूत तसेच मोमेंटम-प्रणीत गुंतवणुकीचा सखोल अनुभव असलेले मुख्य गुंतवणूक अधिकारी (CIO) उमेशकुमार मेहता करतील.

मुख्य गुंतवणूक अधिकारी (CIO) उमेशकुमार मेहता म्हणाले, “मोमेंटम हा दीर्घकालीन दृष्टीने जागतिक स्तरावर सर्वाधिक टिकाऊ आणि लाभदायक गुंतवणूक घटकांपैकी एक ठरला आहे. भारतीय मिड-कॅप क्षेत्रात, मोमेंटम धोरणांनी दीर्घकालीन संभाव्य परिणाम दिले आहेत. त्यात निफ्टी मिडकॅप 150 मोमेंटम 50 TRI ने विस्तारित कालावधीत मूळ निर्देशांकापेक्षा लक्षणीयरीत्या चांगली कामगिरी केली आहे. (निफ्टी इंडिसेस डेटा 1 एप्रिल 2005 ते 31 डिसेंबर 2025. भूतकाळातील कामगिरी भविष्यात कायम राहीलच असे नाही आणि ती भविष्यातील परताव्याची हमी देत नाही. निर्देशांक परतावे हे योजनेच्या परताव्याचे द्योतक नाहीत आणि फक्त मोमेंटम या घटकाचे उदाहरण म्हणून नमूद करण्यात आले आहे.) या प्रवाहांना सुसूत्र पद्धतीने पकडणे आणि गुंतवणूकदारांसाठी सातत्यपूर्ण दीर्घकालीन मूल्य निर्माण करण्याचा प्रयत्न करणे हे आमचे उद्दिष्ट आहे.”

गुंतवणूकदार या एनएफओ मध्ये किमान 5,000 रु. इतक्या एकरकमी गुंतवणुकीद्वारे किंवा दरमहा केवळ 250 रु. पासून सुरू होणाऱ्या एसआयपी द्वारे सहभागी होऊ शकतात.