सोनी बीबीसी अर्थच्या ‘अर्थ इन फोकस’ छायाचित्रण स्पर्धेची पाचवी आवृत्ती यशस्वीरित्या संपन्न
आपल्या प्रभावी कथाकथन आणि अर्थपूर्ण उपक्रमांसाठी ओळखल्या जाणाऱ्या सोनी बीबीसी अर्थने आपल्या बहुचर्चित ‘अर्थ इन फोकस’ छायाचित्रण स्पर्धेची पाचवी आवृत्ती यशस्वीरित्या पूर्ण केली आहे. ‘शेड्स ऑफ लाईफ’ या आकर्षक संकल्पनेवर आधारित या हंगामात देशभरातील छायाचित्रणप्रेमींकडून प्रचंड प्रतिसाद मिळाला, ज्यामुळे दृकश्राव्य कथाकथनाच्या माध्यमातून भारताच्या विविधतेचा उत्सव साजरा करणारे व्यासपीठ म्हणून या प्लॅटफॉर्मची वाढती प्रतिष्ठा पुन्हा एकदा अधोरेखित झाली आहे.
या स्पर्धेला सर्व श्रेणींमध्ये ३ हजारांहून अधिक प्रभावी प्रवेशिका मिळाल्या, ज्यात भारतातील कानाकोपऱ्यातून छायाचित्रकारांनी सहभाग घेतला होता.
प्रसिद्ध वन्यजीव छायाचित्रकार आणि शिक्षक सुधीर शिवराम यांनी परीक्षण केलेल्या या स्पर्धेत अपवादात्मक प्रतिभा, सर्जनशीलता आणि कथाकथन दिसून आले. मेदिनीपूर (पश्चिम बंगाल) येथील प्रताप पात्रा, पालक्काड (केरळ) येथील सजीव जे. के. आणि पुणे येथील इंद्रनील बसू मल्लिक हे अनुक्रमे ‘ग्लो ऑफ अर्थ’, ‘कलर्स ऑफ कल्चर’ आणि ‘व्हायब्रंट वाइल्ड’ या उपश्रेण्यांचे तीन विजेते ठरले. सहभागींनी आपल्या ग्रहावरील जीवनाची एकता, विविधता आणि गतिशील सार सुंदरपणे कॅमेऱ्यात टिपले.
अत्यंत यशस्वी हंगामाच्या समारोपाच्या निमित्ताने, शीर्ष तीन विजेत्यांना प्रत्येकी एक GoPro Hero 13 देऊन सन्मानित करण्यात आले आणि त्यांचे कार्य सोनी बीबीसी अर्थ वाहिनीवर प्रदर्शित करण्याची प्रतिष्ठित संधी मिळाली. याव्यतिरिक्त, निवडलेल्या शीर्ष १५ छायाचित्रकारांना सुधीर शिवराम यांनी आयोजित केलेल्या मास्टरक्लासद्वारे विशेष मार्गदर्शन मिळाले, ज्यामुळे दृकश्राव्य कथाकारांच्या पुढील पिढीला अधिक प्रोत्साहन मिळाले.
पाचवी आवृत्ती यशस्वीरित्या पूर्ण झाल्यामुळे, ‘अर्थ इन फोकस’ने पुन्हा एकदा शोध, कथाकथन आणि आपण सामायिक करत असलेल्या ग्रहाबद्दल अधिक सखोल कौतुक करण्याची प्रेरणा देण्याच्या सोनी बीबीसी अर्थच्या वचनबद्धतेला पुष्टी दिली आहे.
‘अर्थ इन फोकस’ – शेड्स ऑफ लाईफ छायाचित्रण स्पर्धेबद्दल अधिक माहितीसाठी, कृपया https://www.sonybbcearth.com/
प्रतिक्रिया:
रोहन जैन, बिझनेस ऑपरेशन्स हेड – सोनी एएटीएच आणि क्लस्टर मार्केटिंग हेड – मूव्हीज, इन्फोटेनमेंट, रिजनल आणि एफटीए
“‘अर्थ इन फोकस’च्या पाचव्या आवृत्तीतील प्रचंड सहभाग हा संपूर्ण भारतातील छायाचित्रकारांची आवड आणि प्रतिभेचा पुरावा आहे. आम्हाला अभिमान आहे की आम्ही असे एक व्यासपीठ उपलब्ध करून दिले आहे जे केवळ सर्जनशीलतेचा उत्सव साजरा करत नाही, तर आपल्या सभोवतालच्या जगाशी आपले सामूहिक नाते अधिक दृढ करते.” सुधीर शिवराम, स्पर्धेचे परीक्षक, अर्थ इन फोकस
“‘अर्थ इन फोकस’ हा छायाचित्रणापलीकडे जाणारा एक अर्थपूर्ण उपक्रम आहे. ‘शेड्स ऑफ लाइफ’ या संकल्पनेअंतर्गत सादर केलेल्या दृष्टिकोनांमधील आणि कथांमधील प्रचंड विविधता प्रेरणादायी होती. संपूर्ण भारतातील छायाचित्रकारांनी त्यांच्या अद्वितीय दृष्टिकोनातून जीवन, निसर्ग आणि संस्कृतीचा कसा अर्थ लावला, हे पाहणे हा एक बहुमान होता.”