सायली पवार यांची रिपब्लिकन पक्षाच्या महिला आघाडीच्या शहर सरचिटणीस पदी नियुक्ती

पुणे : रिपब्लिकन पार्टी ऑफ इंडिया (आठवले) पक्षाच्या पुणे शहर महिला आघाडीच्या शहर सरचिटणीस पदी सायली विजय पवार यांची नियुक्ती शहराध्यक्ष हिमाली कांबळे यांच्या हस्ते करण्यात आली.
सायली पवार यांना त्यांच्या नियुक्तीचे पत्र पक्षाचे राष्ट्रीय अध्यक्ष आणि केंद्रीय सामाजिक न्याय राज्यमंत्री रामदास आठवले यांच्या हस्ते देण्यात आले. यावेळी पक्षाचे पुणे शहर अध्यक्ष संजय सोनवणे, प्रभारी शैलेंद्र चव्हाण, बाळासाहेब जानराव, परशुराम वाडेकर, असित गांगुर्डे, अशोक कांबळे , महेंद्र कांबळे, महिपाल वाघमारे, श्याम सदाफुले इत्यादी प्रमुख पदाधिकारी उपस्थित होते.
सायली पवार या गेल्या दहा वर्षापासून सामाजिक क्षेत्रात काम करीत आहेत. शहरातील विविध झोपडपट्ट्यांमध्ये नागरी सुविधांचे प्रश्न, शालेय साहित्य वाटप, महिला बचत गट, तरुणांना रोजगार मिळवून देणे अशा विविध कार्य त्यांनी केले आहे. त्या पदवीधर असून महिलांना सक्षम करण्यासाठी त्यांचे मोठे योगदान आहे त्यांच्या निवडीमुळे शिवाजीनगर मतदार संघामध्ये उत्साहाचे वातावरण आहे रिपब्लिकन पक्षाच्या वाढीसाठी त्यांचा निश्चित उपयोग होईल असा विश्वास पुणे शहर महिला अध्यक्ष हिमाली कांबळे यांनी व्यक्त केला.