भारताचे पहिले आणि सर्वात मोठे 3D काँक्रीट प्रिंटेड मिलिटरी इनसीगनिया प्रवेश द्वाराचे झाशीमध्ये अनावरण

पुणे :  भारताच्या लष्करी परंपरेला आणि डिजिटल कन्स्ट्रक्शनच्या भविष्यास अभिवादन म्हणून, हैदराबाद स्थित डीपटेक कंपनी Simpliforge आणि IIT हैदराबाद यांच्या सहकार्याने देशातील पहिले आणि सर्वात मोठे मिलिटरी इनसीगनिया एंट्रन्स आर्च विकसित करण्यात आले आहे. वाघाच्या चेहऱ्याच्या प्रभावी रूपात तयार केलेले हे प्रवेशद्वार भारतीय सशस्त्र दलांच्या शौर्य, सामर्थ्य आणि अदम्य जिद्दीचे प्रतीक आहे. आता हे भव्य प्रवेशद्वार झाशी कॅन्टोनमेंटमध्ये अभिमानाने उभे आहे.

हे अद्वितीय आणि पहिल्यांदाच साकारलेले आर्किटेक्चरल स्ट्रक्चर केवळ एक प्रवेशद्वार नसून एक प्रभावी संदेश आहे. 5.7m x 3.2m x 5.4m मोजमापाचे हे आर्च Simpliforge च्या अत्याधुनिक रोबोटिक आर्म–आधारित 3D काँक्रीट प्रिंटिंग तंत्रज्ञानाने उभारले गेले असून, संरक्षण विभागासाठी बांधकामातील नवोन्मेषाचा एक मोठा टप्पा पार केला आहे. वाघ-थीम असलेले हे प्रवेशद्वार कॅन्टोनमेंटमधील इनडोअर स्पोर्ट्स एरिनाकडे जाणारा मार्गही दर्शवते, ज्यात कार्यात्मक आणि प्रतीकात्मक आर्किटेक्चरचा सुंदर संगम आहे.

हा प्रकल्प कर्नल अखिलसिंह चरक यांच्या दूरदर्शी मार्गदर्शनाखाली साकार करण्यात आला. त्याची रचना आणि स्ट्रक्चरल डेव्हलपमेंट प्रोफेसर के. व्ही. एल. सुब्रमण्यम (HAG), IIT हैदराबाद आणि Simpliforge यांच्या सहकार्याने पूर्ण केली गेली.

कल्पनेपासून प्रत्यक्ष अंमलबजावणीपर्यंत, हे प्रवेशद्वार अत्यंत काळजीपूर्वक आणि कौशल्याने तयार करण्यात आले आहे, जेणेकरून त्यातून जाणाऱ्या प्रत्येक व्यक्तीमध्ये अभिमान, ओळख आणि आदराची भावना निर्माण होईल. त्याचे प्रभावी दृश्य स्वरूप केवळ प्रतीकात्मक नसून—ते भारताच्या संरक्षण अधोसंरचनेत देशी नवोन्मेष आणि सहकार्याच्या मदतीने काय साध्य करता येऊ शकते, याचा भविष्यवादी पुरावा आहे.

कर्नल अखिलसिंह चरक (भारतीय सेना) म्हणाले—
“हे प्रवेशद्वार ही केवळ एक रचना नाही—ते ‘नाम, नमक, निशान’ या आमच्या फौजांच्या मूल्यांचे प्रतीक आहे. शौर्य आणि सन्मानाचे प्रतिनिधित्व करणारी एक प्रतीकात्मक रचना तयार करण्याची एक धाडसी कल्पना आज प्रत्यक्षात उतरली आहे. हे प्रवेशद्वार आपली परंपरा, आपला अभिमान आणि भारतीय सेनेची भविष्यदर्शी दृष्टी दर्शवते. IIT हैदराबाद आणि Simpliforge यांच्या 3D प्रिंटिंग तंत्रज्ञानातील योगदानाबद्दल आणि लष्करी पायाभूत सुविधा नव्याने परिभाषित करण्याच्या त्यांच्या प्रयत्नाबद्दल मी त्यांचे कौतुक करतो.”
डॉ. के. व्ही. एल. सुब्रमण्यम (HAG, IIT हैदराबाद) यांनी सांगितले—
“वाघाच्या रूपातील ही फसाड आपल्याला दाखवते की आधुनिक 3D काँक्रीट प्रिंटिंग तंत्रज्ञानाने पारंपरिक मर्यादांपलीकडे जाऊन आपण रचनात्मक डिझाइनचा पुनर्विचार करू शकतो. स्थानिक पातळीवर उपलब्ध साहित्यांचा वापर करून आणि विशेष प्रिंटेबल मिक्स विकसित करून आम्हाला अभियांत्रिकी अचूकतेचा आणि आर्किटेक्चरल कलात्मकतेचा संगम असलेली ही जटिल, नैसर्गिक भूमिती तयार करता आली. हा प्रकल्प मटेरियल सायन्स, स्ट्रक्चरल इनोव्हेशन आणि डिजिटल फॅब्रिकेशनमधील उदयोन्मुख समन्वयाचे प्रतीक आहे.”
श्री फैजान चौधरी (Founder & COO, Simpliforge) यांनी सांगितले—

“पहिल्याच दिवसापासून आम्हाला या प्रकल्पाचे महत्त्व जाणवत होते. हे फक्त एक बांधकाम नव्हते—ते एक वारसा घडविण्याची संधी होती. साइटवरचा उत्साह अवर्णनीय होता आणि वाघाचे हे प्रवेशद्वार फक्त 45 दिवसांत स्तरानुसार उभे राहताना पाहणे अतिशय प्रेरणादायी होते. Simpliforge मध्ये आम्ही 3D प्रिंटिंगच्या माध्यमातून बांधकाम क्षेत्राची नवी व्याख्या करण्याच्या ध्येयाने काम करतो, आणि हा प्रकल्प आमच्या त्या प्रयत्नांचे उत्कृष्ट उदाहरण आहे.”

प्रकल्पाचे ठळक मुद्दे:

• स्थान: आर्मी कॅन्टोनमेंट, झाशी, उत्तर प्रदेश
• वापरकर्ता: भारतीय सेना
• प्रकल्प कालावधी: 45 दिवस
• मोजमाप: 5.7m (रुंदी) x 3.2m (खोली) x 5.4m (उंची)
• साहित्य: स्थानिक साहित्यांपासून तयार 3DCP मोर्टार
• तंत्रज्ञान: रोबोटिक आर्म–आधारित काँक्रीट 3D प्रिंटिंग
• तंत्रज्ञान सल्लागार: प्रो. के. व्ही. एल. सुब्रमण्यम, IIT हैदराबाद
• स्ट्रक्चरल डिझाइन पार्टनर: डॉ. रंगाराव वी. व्ही.
• डेव्हलपमेंट पार्टनर: Simpliforge (फैजान चौधरी, Founder & COO)