पुण्याच्या यजुर्वेंद्र महाजन यांची ‘गेल’चे संचालक म्हणून नियुक्ती
याबरोबरच पिंपरी चिंचवड महानगरपालिकेच्या दिव्यांग भवनचे सल्लागार म्हणून येत्या काळात महाजन काम पाहतील. पिंपरी चिंचवड महानगरपालिकेच्या दिव्यांग भवनचे सल्लागार म्हणून केलेली नियुक्ती ही महानगरपालिका आयुक्त शेखर सिंह यांच्या वतीने करण्यात आली आहे हे विशेष.
महाराष्ट्र व्हिजन २०४७ तयार करण्यासाठीच्या दिव्यांग कल्याण समितीवर देखील यजुर्वेंद्र महाजन यांची नियुक्ती झाली आहे. विकसित भारत २०४७ या भारत सरकारच्या उपक्रमाच्या अनुषंगाने राज्याचा २०४७ पर्यंतचा व्यापक दृष्टीकोन आणि रणनीती आराखडा तयार करण्याच्या अनुषंगाने विकसित महाराष्ट्र २०४७ बाबत सविस्तर चर्चा करण्यासाठी मुख्यमंत्र्यांच्या उपस्थितीत नुकतीच नरिमन पॉइंट, मुंबई येथील दिव्यांग कल्याण विभागात आयोजित बैठकीमध्ये ही नियुक्ती करण्यात आली.
या नियुक्त्यांनंतर समाजातील दिव्यांग, विकलांग, विशेष विद्यार्थी, नागरिक, आर्थिकदृष्ट्या वंचित असलेले नागरिक यांचे प्रश्न सरकार दरबारी प्राधान्याने मांडता येतील आणि त्यांसाठी जास्तीत जास्त काम करता येईल, असा आशावाद दीपस्तंभ फाऊंडेशनचे संस्थापक संचालक यजुर्वेंद्र महाजन यांनी व्यक्त केला.