क्राफ्टनने BGMI साठी केली दीपिका पादुकोणबरोबर भागीदारी

नवी दिल्ली :  भारतातील सर्वात प्रिय बॅटल-रॉयल गेम, बॅटलग्राउंड्स मोबाइल इंडिया (BGMI) चे निर्माते क्राफ्टन यांनी जागतिक सिनेमा आयकॉन दीपिका पादुकोण बरोबर भागीदारीची घोषणा केली आहेहे. या एका वर्षाच्या खास भागीदारीत दीपिका पादुकोण BGMI ची ब्रँड अॅम्बेसेडर म्हणून सहभागी होणार आहे. त्यामुळे गेमिंग आणि मनोरंजनाच्या नव्या युगाची सुरुवात होणार आहे.

या भागीदारीचाच एक भाग म्हणून, दीपिका पादुकोण लवकरच BGMI मध्ये एक खेळण्यायोग्य पात्र म्हणून दिसणार आहे, दोन विविध पोशाखात दीपिका पादुकोण दिसेल. त्यातून तिचं व्यक्तिमत्त्व आणि स्टाइल आणखी खुलून दिसेल.

रणवीर सिंग, हार्दिक पांड्या आणि मुंबई इंडियन्स सारख्या भारतीय स्टार्ससोबतच्या यशस्वी भागीदारीनंतर, क्राफ्टनने भारतीय खेळाडूंना लक्षात घेऊन सखोल गेमिंग अनुभव देण्याची कटिबद्धता कायम ठेवली आहे.. दीपिका पादुकोणबरोबरची भागीदारी कंपनीसाठी आणखी एक मोलाचा टप्पा ठरणार आहे.

या भागीदारीबद्दल बोलताना क्राफ्टन इंडियाचे सीईओ सीन ह्यूनिल सोन म्हणाले, “आम्ही दीपिका पादुकोणसोबत भागीदारी करण्यास उत्सुक आहोत. दीपिका ही जागतिक पातळीवरची ब्रँड अॅम्बेसेडर आणि आयकॉन आहेत. तिच्यामुळे आमच्या खेळाडूंना अविस्मरणीय क्षण अनुभवता येतील. ही भागीदारी म्हणजे नवीन अनुभवांची निर्मिती करण्याचा तसंच BGMI चाहत्यांसाठी वेगळं काहीतरी करण्याचा प्रयत्न आहे. गेमिंग आणि मनोरंजनाच्या जगाला एकत्र आणून, दीपिका पादुकोण सारख्या मोठ्या स्टारला केंद्रस्थानी ठेवून, आम्ही BGMI मध्ये खरोखरच सखोल आणि गुंतवून ठेवणारा अनुभव निर्माण करण्याचा प्रयत्न करीत आहोत.”

दीपिका पादुकोण म्हणाली, “BGMI कुटुंबासोबत या नवीन अध्यायाची सुरुवात करण्याची संधी मिळाल्यामुळे मला खूप आनंद होत आहे. भारतात गेमिंग हे सांस्कृतिक आकर्षण झालं आहे, आणि मी गेमिंग समुदायाच्या जबरदस्त उर्जेचा भाग होण्यास उत्सुक आहे. इतक्या गतिमान आणि आकर्षक गोष्टीचा भाग होणं ही माझ्यासाठी सन्मानाची गोष्ट आहे. माझ्या चाहत्यांचा इन-गेम अवतार आणि विशेष वस्तूंना कसा प्रतिसाद मिळतो ते पाहण्यासाठी मी खूप उत्सुक आहे!