एसपी गोसावी मेमोरियल आंतरक्लब टेनिस अजिंक्यपद स्पर्धेत पीवायसी अ संघाला विजेतेपद   

तिसऱ्या  व चौथ्या क्रमांकासाठी झालेल्या चुरशीच्या लढतीत शैलेश पटवर्धन, पंकज यादव, संग्राम चाफेकर, वैभव अवघडे यांच्या विजयी कामगिरीच्या जोरावर एफसी गन्स अँड रोझेस संघाने टेनिसनट्स संघाचा सुपर टायब्रेकमध्ये 29-26 असा संघर्षपूर्ण पराभव करून तिसरा क्रमांक पटकावला.  स्पर्धेतील विजेत्या पीवायसी अ संघाला करंडक व 25000 रुपये, तर उपविजेत्या पीवायसी ब संघाला करंडक व 15000 रुपये अशी पारितोषिके देण्यात आली. तिसऱ्या क्रमांकाच्या एफसी गन्स अँड रोझेस संघाला करंडक व 10000 रुपये अशी पारितोषिके देण्यात आली. स्पर्धेचे पारितोषिक वितरण पीवायसी हिंदु जिमखानाचे अध्यक्ष कुमार ताम्हाणे, मानद सचिव सारंग लागु, क्लबचे माजी अध्यक्ष डॉ. सुधीर भाटे यांच्या हस्ते करण्यात आले. यावेळी एमएसएलटीएचे मानद सचिव सुंदर अय्यर, हिमांशू गोसावी, अवनी व तनया गोसावी, अभिषेक ताम्हाणे आदी मान्यवर उपस्थित होते.