TRTI पुरस्कृत रोजगाराभिमुख कौशल्याधारीत प्रशिक्षण कार्यक्रमात नागपूर येथे रोजगार नियुक्ती पत्र वितरण
पुणे : आदिवासी संशोधन आणि प्रशिक्षण संस्था (TRTI) पुणे महाराष्ट्रातील आदिवासी युवक-युवतींना रोजगाराभिमुख कौशल्याधारीत प्रशिक्षण देऊन अधिकाधिक आत्मनिर्भर करण्यासाठी व या उपक्रमांसाठी कौशल्याधारीत प्रशिक्षण देणा-या विविध संस्थांची निवड करुन या संस्थांच्या कामकाजाचे व एकूणच उपक्रमाचे संनियंत्रण करण्यावर लक्ष केंद्रित करत आहे.
मेहमुदा शिक्षण आणि महिला ग्रामीण विकास बहुउद्देशिय संस्था (MSMGVBS), नागपूर अनुसूचित जातीच्या महिलांवर विशेष लक्ष केंद्रित करून सामाजिक ग्रामीण गरीबांच्या आर्थिक आणि राजकीय विकासावर लक्ष केंद्रित करते. या संस्थेने अमरावती, गोंदिया, गडचिरोली यासह विदर्भातील ग्रामीण भागातील आदिवासी उमेदवारांना आरोग्य सेवा, लॉजिस्टिक क्षेत्र आणि हॉटेल व्यवस्थापन या क्षेत्रांतर्गत वर्धा, नागपूर येथे रोजगाराभिमुख कौशल्य विकास कार्यक्रमांतर्गत प्रशिक्षण दिले. या सर्व प्रशिक्षणांना आदिवासी संशोधन आणि प्रशिक्षण संस्था, पुणे कडून मंजुरी देण्यात आली आहे.
सर्व प्रशिक्षित उमेदवारांना नोकरीची नियुक्ती पत्रे वितरित करण्यासाठी आणि रोजगाराभिमुख कौशल्य विकास कार्यक्रमांतर्गत नवीन प्रशिक्षण बॅच सुरु करण्यासाठी मेहमुदा शिक्षण आणि महिला ग्रामीण विकास बहुउद्देशिय संस्था, नागपूरद्वारे एका विशेष कार्यक्रमाचे आयोजन करण्यात आले होते.
या कार्यक्रमाचे प्रमुख पाहुणे मा. श्री. रवींद्र ठाकरे – अपर आयुक्त, आदिवासी विकास, नागपूर यांनी आपल्या उपस्थितीने सर्वांना प्रेरित केले आणि म्हणाले, “आज या कार्यक्रमात नियुक्ती पत्रे प्राप्त युवक व युवतींचे अभिनंदन. आमची आदिवासी मुले-मुली एक दिवस वैज्ञानिक आणि डॉक्टर होतील आणि त्यांच्यासाठी, त्यांचे ध्येय गाठण्यासाठी आणि त्यांची स्वप्ने पूर्ण करण्यासाठी हाच मार्ग आम्हाला ठेवायचा आहे”. डॉ. अनिस अहमद – माजी कॅबिनेट मंत्री, महाराष्ट्र राज्य म्हणाले की, विद्यार्थ्यांना शैक्षणिक संस्थांमध्ये शिक्षण मिळावे आणि त्यांना योग्य जागा मिळाव्यात यासाठी केलेला प्रयत्न हा मुलांच्या भविष्यासाठी महत्त्वाचा उपक्रम आहे. त्यांनी या संपूर्ण उपक्रमाच्या मार्गदर्शन आणि सहकार्यासाठी डॉ. राजेंद्र भारुड, आयुक्त, आदिवासी संशोधन आणि प्रशिक्षण संस्था (TRTI) पुणे यांचे आभार मानले.
या कार्यक्रमासाठी श्रीमती राऊत ; श्रीमती. स्वाती बोधनकर; श्री. तुषार मेश्राम – प्रकल्प संचालक, एमएसएमजीव्हीबीएस नागपूर, श्री. मदनकुमार कडवे – प्राचार्य, सीआयआयपी. यांचेसह मेहमुदा संस्थेतील कर्मचारी वृंद व विविध भागातून आलेले कौशल्य विकास प्रशिक्षणार्थी उपस्थित होते.
आदिवासी नृत्याचे सादरीकरणाने कार्यक्रमाचा समारोप करण्यात आला.