तब्बल ९० लाखांहून अधिक गणेशक्तांनी ‘दगडूशेठ’ च्या श्रीं चे घेतले आॅनलाईन दर्शन 

श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या १३० व्या वर्षीचा गणेशोत्सव सुरु आहे. आॅगस्ट महिन्यात ट्रस्टतर्फे विविध कार्यक्रम सुरु झाले. तेव्हापासून ट्रस्टच्या वेबसाईटवरुन ३ लाख ५३ हजार ७८१ हून अधिक भाविक दर्शन घेत आहेत. वेबसाईटवरुन दररोज सकाळी व रात्री होणारी लाईव्ह आरती व दर्शन देखील १ लाख ६१ हजार ५७९ गणेशभक्तांनी घेतले आहे. तर, सुमारे ६७ लाख ७७ हजार भाविक फेसबुकवरुन, इन्स्टाग्रामवर १६ लाख ९ हजार यांसह यूटयूब व अ‍ॅप वरुन देखील गणेशभक्तांनी भेट दिली आहे. यामुळे यंदाच्या गणेशोत्सव काळात आजपर्यंत तब्बल ९० लाखांहून अधिक गणेशभक्तांनी आॅनलाईन दर्शनाचा लाभ घेतला आहे. डिजीटल माध्यमातून ट्रस्टच्या सामाजिक उपक्रमांना देखील भक्त जोडले गेले आहेत.