सामाजिक संस्थांचे कोविडविषयी जनजागृतीचे कार्य मोठे – डॉ.अविनाश भोंडवे

पुणे :  कोविडच्या रुग्णांची संख्या हळूहळू कमी होवू लागली आहे. रुग्णांची संख्या कमी होण्याचे मुख्य कारण डॉक्टर्स, परिचारिका आणि सामाजिक कार्यकर्त्यांनी अहोरात्र केलेले काम हे आहे. परंतु त्यासोबतच कोविडविषयी समाजाच्या तळागाळात जनजागृती होणे देखील गरजेचे होते. ती जनजागृती करण्याचे मोठे कार्य सामाजिक संस्थांनी केले आहे, असे मत आयएमए चे माजी अध्यक्ष डॉ.अविनाश भोंडवे यांनी व्यक्त केले.

श्री महालक्ष्मी मंदिर, श्री बन्सीलाल रामनाथ अग्रवाल धार्मिक व सांस्कृतिक ट्रस्ट च्यावतीने आयोजित शारदीय नवरात्र उत्सवात कर्तृत्ववान महिलांच्या गौरव सोहळ्याचे आयोजन मंदिरात करण्यात आले होते. यावेळी ट्रस्टच्या प्रमुख विश्वस्त अमिता अग्रवाल, प्रमुख संस्थापक विश्वस्त राजकुमार अग्रवाल, विश्वस्त अ‍ॅड.प्रताप परदेशी, तृप्ती अग्रवाल, भरत अग्रवाल, हेमंत अर्नाळकर, नारायण काबरा आदी उपस्थित होते. राजू चमेडिया, नरेश जालन यांनी कार्यक्रमाच्या आयोजनात सहभाग घेतला.