Wednesday, November 18, 2026
Latest NewsPUNE

सहकार व पणनमंत्री बाळासाहेब पाटील यांच्या हस्ते राष्ट्रीय सुगी पश्चात तंत्रज्ञान संस्थेच्या नूतन इमारतीचे उद्घाटन

पुणे :- सहकार व पणनमंत्री बाळासाहेब पाटील यांच्या हस्ते तळेगाव दाभाडे येथील राष्ट्रीय सुगी पश्चात तंत्रज्ञान संस्थेच्या नूतनीकरण करण्यात आलेल्या प्रशासकीय इमारतीचे उद्घाटन करण्यात आले.

यावेळी महाराष्ट्र राज्य कृषी पणन मंडळाचे कार्यकारी संचालक सुनील पवार, मुंबई कृषि उत्पन्न बाजार समितीचे सचिव संदिप देशमुख, संचालक संजय पानसरे, पुणे कृषि उत्पन्न बाजार समितीचे प्रशासक गरड, सहसंचालक विनायक कोकरे, संस्थेचे संचालक डॉ. भास्कर पाटील आदी उपस्थित होते.

पाटील यांनी राष्ट्रीय सुगी पश्चात तंत्रज्ञान संस्थेतर्फे उभारण्यात येत असलेल्या फुले गुणवत्ता केंद्रास भेट देवून ग्लोबल व लोकल, कार्नेशन लागवड, पॅकहाऊस इत्यादीबाबत माहिती जाणून घेतली.

बांबू सामान्य सुविधा केंद्राचे उद्घाटन

महाराष्ट्र बांबू विकास मंडळ नागपूर संचलित राष्ट्रीय सुगी पश्चात तंत्रज्ञान संस्थेच्या बांबू सामान्य सुविधा केंद्राचे (बांबू मुल्यवर्धन केंद्र) उद्घाटन सहकार व पणनमंत्री बाळासाहेब पाटील हस्ते करण्यात आले. त्यांनी केंद्रातील सुविधांची माहिती घेवून याबाबतचे प्रशिक्षण लवकर सुरू करण्याच्या सुचना दिल्या.

Leave a Reply