Wednesday, November 18, 2026
Latest NewsPUNE

मोफत मूळव्याध शिबिराचा जागतिक विक्रम

पुणे : संपूर्ण भारतामध्ये २५ जानेवारी २०२१ रोजी सर्वात मोठ्या मूळव्याध तपासणी शिबिराचे आयोजन करण्यात आले होते. या वेळी ४१० आयुष डॉक्टर प्रत्यक्ष सहभागी झाले होते. तसेच आयुर्वेद क्लिनिक, हॉस्पिटल, अनेक संस्थांनी या शिबिरामध्ये सहभाग घेतला होता. या शिबिराचा लाभ तब्बल ४३४३ रुग्णांनी घेतला.  इंटरनॅशनल बुक ऑफ रेकॉर्डमध्ये  विक्रमाची नोंद झाली आहे. पुण्यातील कामठे पाईल्स क्लिनिकचे डॉ.कुणाल कामठे यांच्या मार्गदर्शनाखाली या मूळव्याध शिबिराचे आयोजन करण्यात आले होते.

हेम्प स्ट्रीट, निरोग स्ट्रीट, दिल्ली, आयुर्वेद प्रोक्टोलॉजी असोसिएशन, चंद्रा नर्सिंग होम यांचे शिबिराला प्रमुख सहकार्य मिळाले. डॉ. सीमा पाटोळे, डॉ.पूजा कोहली, डॉ. देव यादव, डॉ. गौरव शर्मा, डॉ. सार्थक पवार, डॉ. महेश संघवी, डॉ. विनय अकुला यांनी शिबिराला सहकार्य केले. मूळव्याधाविषयी जागृती होऊन रुग्णांनी त्यावर उपचार घेऊन  निरोगी जीवन जगावे हा उद्देशाने मोफत शिबिराचे आयोजन करण्यात आले होते.

डॉ.कुणाल कामठे म्हणाले, मूळव्याध हा आजार अतिशय सर्वसामान्य झाला आहे. प्रत्येक व्यक्तीस आयुष्यात एकदातरी मूळव्याधीचा त्रास होत असतो आणि त्यातील २० ते २५ टक्के लोकांना उपचारांची गरज पडते. मूळव्याध हा आजार अयोग्य जीवनशैलीमुळे होणारा आजार आहे. बऱ्याचदा अनेक पथ्यापथ्ये करूनदेखील हा आजार होतो. सर्वसामान्यांमध्ये या आजाराविषयी अनेक गैरसमज आहेत जनजागृतीदेखील कमी आहे याच उद्देशाने या उपक्रमाचे आयोजन करण्यात आले होते.

Leave a Reply