विद्यार्थ्यांसाठी ‘आयसीएआय’तर्फे शनिवारी मेगा करिअर कौन्सलिंग

पुणे : दहावी, बारावी व पदवीच्या विद्यार्थ्यांसाठी वाणिज्य व सनदी लेखापाल (सीए) क्षेत्रातील संधी या विषयावर मोफत करिअर मार्गदर्शन सत्र आयोजिले आहे. द इन्स्टिट्यूट ऑफ चार्टर्ड अकाउंटंट्स ऑफ इंडियाची पुणे शाखा व वेस्टर्न इंडिया चार्टर्ड अकाउंटंट्स स्टुडंट्स असोसिएशनचे (विकासा) यांच्या संयुक्त विद्यमाने करिअर कौन्सिलिंग कमिटीच्या पुढाकारातून शनिवार, दि. २८ ऑगस्ट २०२१ रोजी सकाळी १० ते १२ या वेळेत पुणे ‘आयसीएआय’च्या युट्युबवरून लाईव्ह वेबिनारद्वारे हे मार्गदर्शन होणार आहे. हे वेबिनार मोफत असले, तरी नियोजनाच्या दृष्टीने पूर्वनोंदणी आवश्यक आहे. https://bit.ly/3k9CIa4 यावर नावनोंदणी करावी किंवा अधिक माहितीसाठी www.puneicai.org या संकेतस्थळाला भेट द्यावी. हे वेबिनार www.youtube.com/puneicaiofficial यावर लाईव्ह पाहता येणार आहे.

‘आयसीएआय’ करिअर कौन्सिलिंग कमिटीचे चेअरमन सीए अनिल भंडारी, व्हाईस चेअरमन सीए प्रसन्न कुमार, ‘आयसीएआय’च्या केंद्रीय समितीचे सदस्य सीए चंद्रशेखर चितळे, पुणे शाखेचे चेअरमन व खजिनदार सीए समीर लड्डा, उपाध्यक्ष व सचिव सीए काशीनाथ पठारे, तज्ज्ञ सीए ऐश्वर्या गुंदेचा यांच्यासह विविध विषयांचे अभ्यासक व तज्ज्ञ या मार्गदर्शन सत्रात करिअर कौन्सलिंग करणार आहेत. विदयार्थी आणि पालकांच्या मनात कोणत्या क्षेत्रात काय संधी आहेत, असा मोठा प्रश्न असतो. त्याचे शंका निरसण करण्यासाठी हा कार्यक्रम आयोजिला आहे. सीएची भूमिका, सीएचे महत्त्व, सीए नंतर विविध क्षेत्रातील संधी, सीए होण्यासाठीची तयारी कशी करावी, अशा वेगवेगळ्या विषयी माहिती दिली जाणार आहे. राज्यातील विविध शाळा आणि महाविद्यालयांनी या मेगा करिअर कौन्सलिंगविषयी विद्यार्थ्यांना कळविण्याचे, तसेच विद्यार्थी व पालकांनी या सत्राचा लाभ घेण्याचे आवाहन संयोजकांनी केले आहे.

Leave a Reply

%d bloggers like this: