Wednesday, November 18, 2026
Latest NewsNATIONALSportsTOP NEWS

Tokyo Olympics 20-2021 : बॅडमिंटन स्टार पी व्ही सिंधूला कांस्य पदक

टोकियो : भारताची बॅडमिंटन स्टार पी व्ही सिंधूने आज तिसऱ्या स्थानासाठीच्या सामन्यात चिनच्या बिंगजियाओला  हरवत कांस्य पदकावर आपले नाव कोरले.  बिंगजियाओला पहिल्या सेटमध्ये 13-21 आणि दुसऱ्या सेटमध्ये 15-21 ने नामवत सिंधूने दमदार पुनरागमन करत सामना दोन सरळ सेट्समध्ये जिंकला. सिंधूने २०१६ रिओ ऑलिम्पिकमध्ये रौप्यपदक जिंकले होते. त्यामुळे सलग ऑलिम्पिक स्पर्धांमध्ये दोन वैयक्तिक पदके जिंकणारी ती भारताची पहिली खेळाडू ठरली आहे.

सिंधूचा दमदार खेळ
महिला एकेरीच्या कांस्यपदकासाठी झालेल्या लढतीच्या सुरुवातीला बिंगजिओने सिंधूला चांगली झुंज दिली. दोघींमध्ये ६-६ आणि नंतर ८-८ अशी बरोबरी होती. यानंतर मात्र सिंधूने सलग तीन गुण मिळवत पहिल्या गेमच्या मध्यंतराला ११-८ अशी आघाडी घेतली. या गेमच्या उत्तरार्धात बिंगजिओचा खेळ खालावला. याऊलट सिंधूने पहिला गेम २१-१३ अशा मोठ्या फरकाने जिंकला. दुसऱ्या गेममध्येही बिंगजिओने सिंधूला सहज गुण जिंकू दिले नाहीत. परंतु, सिंधूने खेळ उंचावला तिने गेमच्या मध्यंतराला ११-८ अशी आघाडी घेतली. मध्यंतरानंतर बिंगजिओने पुनरागमन करण्याचा प्रयत्न करत ११-११ अशी बरोबरी केली. पुढे मात्र सिंधूने पुन्हा आक्रमक खेळ करत १८-१४ अशी आघाडी मिळवली. तसेच यानंतरचे चार पैकी तीन गुण मिळवत सिंधूने दुसरा गेम २१-१५ अशा फरकाने जिंकला आणि कांस्यपदक पटकावले.
दरम्यान, मीराबाई चानू नंतर वैयक्तिक गटात भारतासाठी पदक मिळविणारी पी व्ही सिंधू ही दुसरी महिला खेळाडू ठरली आहे.

Leave a Reply