यूथ4इम्पॅक्टचा शुभारंभ; देशभरातील ३,६०० हून अधिक तरुणांना नेतृत्वासाठी तयार करण्याचा उपक्रम

 

पुणे : तरुणांमध्ये नेतृत्वगुण विकसित करण्याच्या उद्देशाने देशव्यापी युवा नेतृत्व विकास कार्यक्रम यूथ4इम्पॅक्टचा शुभारंभ बेंगळुरू येथील पीईएस विद्यापीठात करण्यात आला. बेंगळुरूमधील सुमारे ६०० तरुण या कार्यक्रमात सहभागी होणार असून, देशभरातील ३,६०० हून अधिक तरुणांना या उपक्रमाशी जोडण्याचे उद्दिष्ट ठेवण्यात आले आहे. १८ वर्षांवरील विद्यार्थी करू शकतात अर्ज

जागृती यात्रा आणि भारतातील एआयईएसईसी यांच्या वतीने सुरू करण्यात आलेल्या यूथ4इम्पॅक्टला रिलायन्स फाउंडेशन, रिलायन्स कन्झ्युमर प्रॉडक्ट्स लिमिटेड आणि भारतातील एआयईएसईसी यांच्या भागीदारीतून तरुणांना शिकण्यासाठी, नेतृत्व करण्यासाठी आणि कृती करण्यासाठी सक्षम करणे, तसेच हा अनुभव जागृती यात्रा २०२६च्या माध्यमातून पुढे नेण्यास मदत करणे, हे आमचे उद्दिष्ट आहे.

यूथ4इम्पॅक्टचा मुख्य उद्देश नेतृत्व विकास केवळ शैक्षणिक ज्ञान आणि व्यावसायिक कौशल्यांपुरता मर्यादित न ठेवता तरुणांना समाज, समुदाय आणि त्यांच्या आजूबाजूच्या वास्तविक परिस्थितीशी जोडणे हा आहे.

यूथ4इम्पॅक्टसाठी अर्ज करण्याची अंतिम मुदत २४ सप्टेंबर २०२६ आहे. १८ वर्षे किंवा त्याहून अधिक वयाचे विद्यार्थी बेंगळुरू, पुणे, कोलकाता, सुरत, हैदराबाद, विशाखापट्टणम आणि दिल्ली येथून अर्ज करू शकतात. कार्यक्रम यशस्वीरीत्या पूर्ण करणाऱ्या सहभागी विद्यार्थ्यांना प्रशिक्षण आणि व्यावसायिक अनुभवाशी संबंधित संधीही उपलब्ध करून दिल्या जाणार आहेत.

या कार्यक्रमांतर्गत सहभागी तरुणांना शिक्षण, रोजगार व करिअरसाठी तयारी, पर्यावरण संरक्षण आणि विशेष काळजीची गरज असलेले समुदाय या चार प्रमुख क्षेत्रांमध्ये नेतृत्व विकासाचे प्रशिक्षण आणि तज्ज्ञांचे मार्गदर्शन दिले जाईल. त्यानंतर स्वयंसेवी उपक्रम आणि समुदाय सहभागाच्या माध्यमातून सहभागी आपल्या शिकलेल्या ज्ञानाचा प्रत्यक्ष परिस्थितीत उपयोग करतील.

या कार्यक्रमाद्वारे तरुणांना त्यांच्या परिचित वातावरणाच्या पलीकडे जाऊन विविध समुदाय आणि दृष्टिकोन समजून घेण्याची संधी दिली जाणार आहे. या अनुभवातून त्यांच्यामध्ये संवेदनशीलता, सहकार्याची भावना, जबाबदारीची जाणीव तसेच त्यांच्या आसपासच्या आव्हाने आणि संधी यांची अधिक व्यावहारिक समज विकसित होण्यास मदत होईल.

यूथ4इम्पॅक्टचा उद्देश तरुणांकडून गुंतागुंतीच्या सामाजिक समस्यांचे तात्काळ निराकरण करून घेणे नसून, त्यांना असा अनुभव आणि दृष्टिकोन देणे हा आहे, ज्यामुळे भविष्यात या आव्हानांकडे पाहण्याचा त्यांचा दृष्टिकोन विकसित होईल. भविष्यात व्यावसायिक, उद्योजक, शिक्षक, लोकसेवक, व्यावसायिक नेतृत्वकर्ते आणि संस्थानिर्माते म्हणून समाजासाठी अर्थपूर्ण योगदान देण्यासाठी हा अनुभव त्यांना अधिक सक्षम करेल.

जागृती यात्रेचे मुख्य परिचालन अधिकारी चिन्मय वाडनेरे म्हणाले, “जागृतीचा नेहमीच असा विश्वास राहिला आहे की, तरुण जेव्हा आपल्या परिचित वातावरणाच्या पलीकडे जातात आणि त्यांनी यापूर्वी न पाहिलेल्या भारताचा अनुभव घेतात, तेव्हा त्यांना स्वतःच्या क्षमतेची जाणीव होते. यूथ4इम्पॅक्टच्या माध्यमातून हा विश्वास हजारो तरुणांपर्यंत पोहोचवण्याचा प्रयत्न केला जात आहे. या उपक्रमात ज्ञान आणि कौशल्यांसोबत दृष्टिकोन, संवेदनशीलता आणि प्रत्यक्ष सामुदायिक अनुभव यांची सांगड घातली जात आहे.

कार्यक्रमादरम्यान उत्कृष्ट नेतृत्वगुणांचे प्रदर्शन करणाऱ्या सहभागी विद्यार्थ्यांना विशेष संधीही दिल्या जातील. यूथ4इम्पॅक्टमधून निवड झालेल्या २० सहभागी विद्यार्थ्यांना जागृती यात्रा २०२६मध्ये सहभागी होण्याची संधी मिळणार आहे. या यात्रेदरम्यान त्यांना देशभरातील विविध नेतृत्वकर्ते, संस्था आणि विचारप्रवाह यांच्याशी परिचित होण्याची तसेच आपल्या अनुभवाधारित ज्ञानाचा अधिक विकास करण्याची संधी मिळेल.