अॅक्सिस मॅक्स लाईफकडून आर्थिक वर्ष २०२६ मध्ये २,५३० कोटींचा पार्टिसिपेटिंग बोनस केला जाहीर
पुणे : पूर्वी मॅक्स लाईफ इन्शुरन्स कंपनी लिमिटेड म्हणून ओळखल्या जाणाऱ्या ॲक्सिस मॅक्स लाईफ इन्शुरन्स लिमिटेडने आर्थिक वर्ष २०२५-२६ साठी पात्र पॉलिसीधारकांकरिता २,५३० कोटी रुपयांच्या सहभागी (पार्टिसिपेटिंग) बोनसची (पीएआर) घोषणा केली आहे. हा कंपनीचा सलग २४ वा वार्षिक बोनस असून, यामुळे कंपनीने गेल्या २४ वर्षांत घोषित केलेला एकूण बोनस १८,३७७ कोटी रुपयांवर पोहोचला आहे.
हा जाहीर केलेला बोनस जुलै २०२६ पासून २१ लाखांहून अधिक पात्र पीएआर पॉलिसीधारकांना वितरित करण्यात येईल. ॲक्सिस मॅक्स लाईफचा पीएआर फंड आर्थिक वर्ष २०२५ मधील ७४,११९ कोटी रुपयांवरून आर्थिक वर्ष २०२६ मध्ये ७९,००३ कोटी रुपयांवर पोहोचला आहे. गेल्या एका दशकात पीएआर फंडात १७ टक्के चक्रवाढ व्याजाने (सीएजीआर) वाढ झाली आहे.
कंपनीने जाहीर केलेल्या आकडेवारीनुसार, कंपनीच्या वार्षिक बोनस घोषणांमध्ये अलिकडच्या वर्षांत सातत्याने वाढ झाली आहे. कंपनीने आर्थिक वर्ष २०२२ मध्ये जाहीर केलेला बोनस १,४६९ कोटी रुपये होता, तो आर्थिक वर्ष २०२३ मध्ये १,६०४ कोटी रुपये, आर्थिक वर्ष २०२४ मध्ये १,८२६ कोटी रुपये, आर्थिक वर्ष २०२५ मध्ये कोटी रुपये आणि आर्थिक वर्ष २०२६ मध्ये कोटी रुपयांपर्यंत पोहोचला आहे.
ॲक्सिस मॅक्स लाईफने दिलेल्या माहितीनुसार, तिच्या सहभागी उत्पादनांवर रोख बोनस, रिव्हर्शनरी बोनस आणि टर्मिनल बोनस यांसारख्या विविध प्रकारच्या बोनसच्या ऑफर उपलब्ध आहेत. याशिवाय, मूळ रकमेच्या निश्चितीला धक्का न लावता बोनस संचय, जमा झालेल्या बोनसची आंशिक उचल, पेड-अप ॲडिशन्स आणि प्रीमियम ऑफसेट यांसारखे पर्यायही या उत्पादनांवर उपलब्ध आहेत.