सोनी मराठी वाहिनीवरील “महाराष्ट्राची हास्यजत्रा”मध्ये निर्मिती सावंत यांचा खास धमाका!

सोनी मराठी वाहिनी नेहमीच दर्जेदार आणि प्रेक्षकांच्या मनाला भिडणारे मनोरंजन देत आली आहे. कुटुंबासह पाहता येतील असे विविध कार्यक्रम सादर करत, सोनी मराठीने प्रेक्षकांच्या मनात एक खास स्थान निर्माण केले आहे. याच वाहिनीवरील अत्यंत लोकप्रिय आणि विनोदी कार्यक्रम म्हणजे “महाराष्ट्राची हास्यजत्रा”.

“महाराष्ट्राची हास्यजत्रा” हा कार्यक्रम प्रेक्षकांना दर आठवड्याला खळखळून हसवतो. उत्कृष्ट लेखन, भन्नाट परफॉर्मन्स आणि कलाकारांची जबरदस्त टाइमिंग यामुळे हा शो प्रत्येक घरात आवडीने पाहिला जातो. हा कार्यक्रम दर सोमवार आणि मंगळवारी रात्री ९ वाजता सोनी मराठीवर प्रसारित होतो.

या आठवड्याचा एपिसोड खास ठरणार आहे, कारण प्रेक्षकांची लाडकी अभिनेत्री निर्मिती सावंत एक भन्नाट स्किट सादर करताना दिसणार आहेत. “मॅरेज फोटो अल्बम” असे या स्किटचे नाव असून, या स्किटमध्ये निर्मिती सावंत यांच्यासोबत पृथ्विक प्रताप आणि वनिता खरात हे कलाकारही झळकणार आहेत. या तिघांनी मिळून या स्किटमध्ये अक्षरशः धमाल उडवली आहे.

निर्मिती ताईंची स्टेजवरील उपस्थिती, त्यांची अफलातून कॉमिक टाइमिंग आणि सहज अभिनय प्रेक्षकांना नेहमीच भुरळ घालतो. त्यांच्या प्रत्येक एंट्रीला प्रेक्षकांकडून भरभरून प्रतिसाद मिळतो. “मॅरेज फोटो अल्बम” या स्किटमध्येही त्यांनी त्याच जादुई अंदाजात प्रेक्षकांना खळखळून हसवले आहे. हास्यजत्रेच्या  मंचावर त्यांचा हा खास अंदाज पाहायला मिळणार आहे.

मराठी रंगभूमी आणि चित्रपटसृष्टीत निर्मिती सावंत यांनी आपली वेगळी ओळख निर्माण केली आहे. ज्या काळात विनोदी क्षेत्रात महिला कलाकारांची संख्या अत्यंत कमी होती, त्या काळात त्यांनी आपल्या दमदार अभिनय आणि टायमिंगच्या जोरावर एक वेगळी उंची गाठली. त्यांच्या कॉमेडीची शैली, संवादफेक आणि व्यक्तिमत्त्व आजही अनेक कलाकारांसाठी प्रेरणादायी आहे. त्या मराठीतील अग्रगण्य आणि अत्यंत मानाच्या विनोदी अभिनेत्रींपैकी एक मानल्या जातात.

या आठवड्यातील “महाराष्ट्राची हास्यजत्रा” चा हा विशेष भाग प्रेक्षकांसाठी नक्कीच हसण्याचा एक मोठा डोस घेऊन येणार आहे.

पाहायला विसरू नका –“महाराष्ट्राची हास्यजत्रा”, येत्या सोमवार आणि मंगळवारी रात्री ९ वाजता, फक्त सोनी मराठीवर!