दिव्गी टॉर्कट्रान्सफर सिस्टिम्स लिमिटेडची प्राथमिक समभाग विक्री १ मार्च पासून

दिव्गी टॉर्कट्रान्सफर सिस्टिम्स लिमिटेड (“द कंपनी”) ही सिस्टीम लेव्हल ट्रान्सफर केस, टॉर्क कपलर आणि ड्युअल-क्लच ट्रान्समिशन (DCT) सुविधा विकसित करण्याची आणि पुरवठा करण्याची क्षमता असलेल्या भारतातील काही मोजक्या पुरवठादारांपैकी एक आहे. भारतातील ऑटोमोटिव्ह ओरिजिनल इक्विपमेंट मॅन्युफॅक्चरर (OEM) ना ट्रान्सफर केस सिस्टीम पुरवठा करणार्‍या आघाडीच्या कंपन्यांपैकी एक असून भारतातील प्रवासी वाहन उत्पादकांना ट्रान्सफर केस सिस्टीमची सर्वात मोठी पुरवठादार आहे. भारतातून जागतिक OEM मध्ये ट्रान्सफर केसेसचे उत्पादन आणि निर्यात करणारी ही एकमेव कंपनी आहे आणि भारतातील टॉर्क कप्लर्सची एकमेव उत्पादक आहे. कंपनीकडे इलेक्ट्रिक वाहनांसाठी ट्रान्समिशन सिस्टीम विकसित करण्याची आणि पुरवठा करण्याची क्षमता देखील आहे आणि या उद्देशासाठी व्यावसायिक बहुमान प्राप्त करण्याच्या अनुषंगाने इलेक्ट्रिक वाहनांसाठी (EVS) ट्रान्समिशन सिस्टीमचे प्रोटोटाइप डिझाइन आणि विकसित करण्याच्या प्रक्रियेत आहे. ही अशा काही कंपन्यांपैकी एक आहे जी जागतिक OEM आणि टियर १ ट्रान्समिशन सिस्टम पुरवठादारांसाठी सिस्टीम लेव्हल सोल्यूशन पुरवठादार तसेच कॉम्पोनंट किट पुरवठादार म्हणून काम करते.

कंपनीने प्रत्येकी ५ रुपये दर्शनी मूल्याच्या प्रति इक्विटी शेअरसाठी बुधवार, ०१ मार्च, २०२३ रोजी प्राथमिक समभाग विक्री सुरू करण्याचा प्रस्ताव दिला आहे. प्राथमिक समभाग विक्रीमध्ये १८० कोटी रुपयांपर्यंतच्या (“फ्रेश इश्यू”) इक्विटी शेअर्सच्या नवीन इश्यूचा आणि ऑफर फॉर सेल ३९,३४,२४३ पर्यंतच्या इक्विटी समभागांचा (“ऑफर फॉर सेल “) समावेश आहे. अँकर इन्व्हेस्टर बिडिंगची तारीख मंगळवार, २८ फेब्रुवारी २०२३ असेल. ऑफर शुक्रवार, ०३ मार्च २०२३ रोजी बंद होईल.

योजनेचा किंमतपट्टा प्रत्येक इक्विटी शेअरसाठी ५६० रुपये ते ५९० रुपये निश्चित करण्यात आला आहे.
ही बोली किमान २५ इक्विटी शेअर्स आणि त्यानंतर २५ इक्विटी शेअर्सच्या पटीत लावता येईल.

कंपनीने फ्रेश इश्यूतील निव्वळ उत्पन्न निधीसाठी वापरण्याचा प्रस्ताव दिला आहे (i) उत्पादन सुविधांच्या उपकरणे/यंत्रांच्या खरेदीसाठी भांडवली खर्चाचा आवश्यकता निधी (“भांडवली खर्च”) आणि (ii) सर्वसाधारण कॉर्पोरेट उद्देशांसाठी (“ऑब्जेक्टस ऑफ द इश्यू”).

ऑफर फॉर सेल मध्ये ओमान इंडिया जॉइंट इन्व्हेस्टमेंट फंड II चे २२,५०,००० पर्यंतचे इक्विटी शेअर्स, एनआरजेएन फॅमिली ट्रस्टचे (एन्ट्रस्ट फॅमिली ऑफिस लीगल अँड ट्रस्टीशिप सर्व्हिसेस प्रायव्हेट लिमिटेड या त्यांच्या कॉर्पोरेट ट्रस्टीद्वारे प्रतिनिधित्व केले जाते) (“गुंतवणूकदार विक्री समभागधारक”) १४,४१,४४१ पर्यंतचे इक्विटी शेअर्स आणि कंपनीच्या काही ठराविक बिगर-प्रवर्तक समभागधारक (“इतर बिगर-प्रवर्तक विक्री समभागधारक”) द्वारे २,४२,८०२ पर्यंतचे इक्विटी शेअर्स समाविष्ट आहेत.

इक्विटी शेअर्स बीएसई लिमिटेड (“BSE”) आणि नॅशनल स्टॉक एक्स्चेंज ऑफ इंडिया लिमिटेड (“NSE”) वर सूचीबद्ध करण्याचा प्रस्ताव आहे. ऑफरच्या उद्देशांसाठी, BSE हे नियुक्त स्टॉक एक्स्चेंज आहे.

इंगा व्हेंचर्स प्रायव्हेट लिमिटेड आणि इक्विरस कॅपिटल प्रायव्हेट लिमिटेड हे इश्यूचे बुक रनिंग लीड मॅनेजर आहेत.

कंपनी (i) टॉर्क ट्रान्सफर सिस्टीम (ज्यामध्ये फोर-व्हील-ड्राइव्ह (“4WD”) आणि ऑल-व्हील-ड्राइव्ह (“AWD”) उत्पादनांचा समावेश आहे) (ii) मॅन्युअल ट्रान्समिशन आणि DCT साठी सिंक्रोनायझर सिस्टीम्स आणि (iii) मॅन्युअल ट्रान्समिशन, DCT, आणि EVs मधील टॉर्क ट्रान्सफर सिस्टीम आणि सिंक्रोनायझर सिस्टीमसाठी वर नमूद केलेल्या उत्पादन श्रेणींसाठी घटक अशा विस्तृत श्रेणींमध्ये विविध प्रकारच्या उत्पादनांची निर्मिती आणि पुरवठा करते. कंपनीने (i) EVs साठी ट्रान्समिशन सिस्टीम (ii) DCT प्रणाली; आणि (iii) रेअर व्हील ड्राइव्ह मॅन्युअल ट्रान्समिशन्स देखील विकसित केले.

टाटा मोटर्स, महिंद्रा अँड महिंद्रा यांसारख्या ऑटोमोबाईल क्षेत्रातील अनेक स्थानिक आणि जागतिक OEM सोबत आणि बोर्गवॉर्नर सारख्या जागतिक पुरवठादारांसोबत कंपनीचे दोन दशकांहून अधिक काळ मजबूत आणि सुस्थापित संबंध आहेत. महिंद्रा अँड महिंद्रा, टाटा मोटर्स, टोयोटो किर्लोस्कर ऑटो पार्ट्स, बोर्गवॉर्नर आणि रशियन ऑटोमोबाईल उत्पादक या पाच आघाडीच्या प्रमुख ग्राहकांकडून त्यांच्या महसुलाचा महत्त्वपूर्ण भाग मिळवला जातो. ३० सप्टेंबर २०२२ रोजी संपलेल्या सहा महिन्यांसाठी आणि आर्थिक वर्ष २०२२, आर्थिक वर्ष २०२१ आणि आर्थिक वर्ष २०२० साठी वस्तूंच्या विक्रीतून मिळणारे उत्पन्न कंपनीच्या पाच अग्रणी ग्राहकांसाठी वस्तूंच्या विक्रीतून मिळणाऱ्या एकूण उत्पन्नाच्या ९२.६६%, ९१.२८%, ९२.८६% आणि ८६.९४% आहे.

उत्पादन पुरवठ्याच्या जोडीला, कंपनीने जर्मन ऑटोमोटिव्ह कंपनीसोबत उत्पादन विकास करार (“PDA”) आणि तंत्रज्ञान हस्तांतरण करार (“TTA”) केला आहे. PDA आणि TTA च्या अनुषंगाने, कंपनी भारतासाठी विशेष अधिकारांसह DCT अॅप्लिकेशन्ससाठी आणि भारताबाहेरील बाजारपेठांसाठी अनन्य अधिकारांसह महत्वाचे घटक आणि प्रणाली सह-विकसित करत आहे. TTA च्या अनुषंगाने परवाना देण्याची व्यवस्था स्वाक्षरी केल्याच्या तारखेपासून २०३३ पर्यंत १३ वर्षांच्या कालावधीसाठी सुरू राहील. कंपनीने ४ ऑक्टोबर २००४ रोजी बोर्गवॉर्नरसोबत परवाना करार देखील केला असून त्यानंतर १ मार्च २०१७ रोजी नूतनीकरण करण्यात आले आहे. कराराच्या नूतनीकरणाच्या तारखेपासून सात वर्षांच्या कालावधीसाठी हे लागू आहे. कंपनीने बनवलेल्या उत्पादनांच्या आणि घटकांच्या सोर्सिंगच्या संदर्भात जपानी ऑटोमोटिव्ह पुरवठा साखळी कंपनीसोबत एक विशेष वितरण करार देखील केला आहे.