ज्येष्ठ पत्रकार रवीश कुमार यांनी दिला NDTV चा राजीनामा
नवी दिल्ली : रॅमन मॅगसेसे पुरस्कार विजेते एनडीटीव्ही इंडियाचे वरिष्ठ कार्यकारी संपादक रवीश कुमार यांनी राजीनामा दिला आहे. रवीश कुमार यांनी त्यांच्या कार्यकाळात हम लोग, रवीश की रिपोर्ट, देश की बात आणि प्राइम टाइमसह अनेक कार्यक्रम केले आहे. एनडीटीव्ही ची मालकी आदानी उद्योग समूहाकडे गेल्याने रवीश कुमार यांनी आपल्या पदाचा राजीनामा दिला आहे.
अनेक दिवसांपासून रवीश कुमार यांच्या राजीनाम्याच्या बातम्या येत होत्या. मात्र, बुधवारी त्यांनी अधिकृतपणे मेल पाठवून राजीनामा सादर केला आहे. रवीशच्या जाण्याची घोषणा करताना, वाहिनीने अंतर्गत मेलमध्ये म्हटले आहे की, त्यांचा राजीनामा त्वरित प्रभावी आहे. म्हणजेच आता रवीश एनडीटीव्हीसाठी शो करताना दिसणार नाही.
रवीश कुमार यांना दोनदा पत्रकारितेतील योगदानाबद्दल रामनाथ गोएंका उत्कृष्टता पुरस्कार आणि 2019 मध्ये रॅमन मॅगसेसे पुरस्काराने सन्मानित करण्यात आले आहे. रवीश कुमार यांचा राजीनामा अशा वेळी आला आहे जेव्हा एनडीटीव्हीचे कार्यकारी सह-अध्यक्ष प्रणव राय यांनी एक दिवस आधी संचालक पदाचा राजीनामा दिला होता.
, नवी दिल्ली टेलिव्हिजन लिमिटेड (NDTV) चे संस्थापक प्रणय रॉय आणि त्यांची पत्नी राधिका रॉय यांनी प्रवर्तक समूहाची एक युनिट RRPR होल्डिंग प्रायव्हेट लिमिटेडच्या संचालकपदाचा राजीनामा दिला आहे.
खरे तर अदानी समूह आता ही वृत्तवाहिनी ताब्यात घेण्याच्या जवळ पोहोचला आहे. या घडामोडींदरम्यान, रॉय दाम्पत्याने आरआरपीआर होल्डिंगच्या संचालकपदाचा राजीनामा दिला आहे. उल्लेखनीय आहे की अदानी समूहाने आरआरपीआर विकत घेतले होते.
NDTV मध्ये RRPR ची 29.18 टक्के हिस्सेदारी आहे. तथापि, रॉयकडे अद्याप प्रवर्तक म्हणून NDTV मधील 32.26 टक्के हिस्सेदारी आहे आणि त्यांनी वृत्तवाहिनीच्या संचालक मंडळाचा राजीनामा दिलेला नाही. प्रणय रॉय हे NDTV चे अध्यक्ष आहेत आणि राधिका रॉय कार्यकारी संचालक आहेत.
एनडीटीव्हीने मंगळवारी स्टॉक एक्स्चेंजला पाठवलेल्या संप्रेषणात म्हटले आहे की प्रणॉय आणि राधिका रॉय यांनी तात्काळ प्रभावाने आरआरपीआर होल्डिंग प्रायव्हेट लिमिटेड (RRPRH) च्या संचालक मंडळाचा राजीनामा दिला आहे.