वरिष्ठ गट राज्य निवड चाचणीत पृथ्वीराज मोहोळ व हर्षद कोकाटे यांना विजतेपद

November 29, 2022 maharashtralokmanch

राष्ट्रीय तालीम संघाच्या वतीने स्पर्धेचे आयोजन

पुणे : भारतीय कुस्ती महासंघातर्फे नेमलेल्या अस्थायी समितीच्या मान्यतेने संस्कृती प्रतिष्ठान व माजी महापौर मुरलीधर मोहोळ यांच्या वतीने आयोजित करण्यात आलेल्या ६५ व्या वरिष्ठ गट (गादी व माती) राज्यस्तरीय अजिंक्यपद निवडचाचणी स्पर्धेचे आयोजन राष्ट्रीय तालीम संघाच्या वतीने करण्यात आले होते. या स्पर्धेत महाराष्ट्र केसरी गटात माती विभागातून खालकर तालीमच्या पृथ्वीराज मोहोळने तर गादी विभागातून हर्षद कोकाटेने बाजी मारली आहे.

राष्ट्रीय तालीम संघाच्या वतीने निवड चाचणी स्पर्धेचे आयोजन छत्रपती शिवाजी स्टेडियम, मंगळवार पेठ येथे करण्यात आले होते. ही निवड चाचणी स्पर्धा राष्ट्रीय तालीम संघाचे विश्वस्त – अध्यक्ष स्व. वस्ताद दामोदर लक्ष्मण टकले यांच्या स्मरणार्थ घेण्यात आली. यावेळी संसदरत्न खासदार श्रीरंग बारणे, राष्ट्रीय तालीम संघाचे अध्यक्ष हिंदकेसरी योगेश दोडके, पुणे जिल्हा कुस्तीगीर संघाचे अध्यक्ष संदीप भोंडवे, विश्वस्त तात्यासाहेब भिंताडे, सरचिटणीस शिवाजीराव बुचडे, नगरसेवक महेंद्र पाठारे, वरिष्ठ पोलीस निरीक्षक उत्तमराव तांगडे, स्पर्धा आयोजक अविनाश टकले, कार्यकारिणी सदस्य जयसिंगराव पवार, मधुकर फडतरे, गणेश दांगट, योगेश पवार, हेमेंन्द्र किराड, सुभाष पोकळे, शामराव यादव, रवी खालकर, संभाजी आंग्रे, विकास दगड, सुनील भाऊ देवकर, शरद पवार, रामदास माझिरे, सोमनाथ मोझे हे मान्यवर उपस्थित होते.

सदर स्पर्धेसाठी मोहन खोपडे, चंद्रकांत मोहोळ, विठ्ठल मोहोळ, तुषार गोळे, नीलेश मारणे, रोहिदास आमरे, पप्पू कालेकर व विक्रम पवळे यांनी पंच म्हणून काम पाहिले.

स्पर्धेचे अंतिम निकाल पुढील प्रमाणे

गादी विभाग

५७ किलो : विजय मोझर (जायनाथ तालीम), मयूर दाखटकर (हनुमान आखाडा)

६१ किलो : अभिजित शेडगे (मामासाहेब मोहोळ), भालचंद्र कुंभार (हनुमान आखाडा)

६५ किलो : विपुल थोरात (सह्याद्री संकुल), उदयसिंह मोरे (मामासाहेब मोहोळ)

७० किलो : संकेत ठाकूर (सह्याद्री संकुल), करण फुलमाळी (हनुमान आखाडा)

७४ किलो : शुभम थोरात (शिवरामदादा तालीम), —–

७९ किलो : अक्षय ढगे (मामासाहेब मोहोळ), गणेश खडके (आंतरराष्ट्रीय संकुल)

८६ किलो : ओंकार दगडे (हनुमान आखाडा), आदित्य कुंजीर (मुकुंद व्यायामशाळा)

९२ किलो : तुषार तांगडे (आंतरराष्ट्रीय संकुल), अनिकेत कंधारे (हनुमान आखाडा)

९७ किलो : नीलेश केदारी (हनुमान आखाडा), अथर्व चव्हाण (शिरामदादा तालीम)

८६ ते १२५ किलो महाराष्ट्र केसरी गट : हर्षद कोकाटे (हनुमान आखाडा), ऋतिक पायगुडे (हनुमान आखाडा)