Sportsfield Monsoon League – गॅरी कर्स्टन क्रिकेट अॅकॅडमी संघाचा तिसरा विजय !!
सातारा रोड येथील टेंभेकर फार्मस् क्रिकेट मैदानावर झालेल्या या स्पर्धेत मयांक अगरवाल याच्या भेदक गोलंदाजीच्या जोरावर गॅरी कर्स्टन क्रिकेट अॅकॅडमी ब संघाने फल्लाह क्रिकेट अॅकॅडमीचा ५ गडी राखून पराभव करून तिसरा विजय नोंदविला. पहिल्यांदा फलंदाजी करताना फल्लाह क्रिकेट अॅकॅडमीने १९.४ षटकामध्ये ७८ धावा जमविल्या. यश ससाणे याने सर्वाधिक २२ धावा काढल्या. गॅरी कस्टर्न संघाच्या मयांक अगरवाल याने १० धावात ३ गडी बाद केले. सिध्दांत गुप्ता (२-१९) आणि राशी व्यास (२-१८) यांनीही चमकदार गोलंदाजी करून फल्लाह अॅकॅडमीला ७८ धावांवर रोखले.
गॅरी कर्स्टन क्रिकेट अॅकॅडमी ब संघाने हे आव्हान १८.२ षटकात व ५ गडी गमावून पूर्ण केले. समवेद गायकवाड (२४ धावा), अहमद सिद्दकी (नाबाद ११ धावा) आणि मानस पाटील (नाबाद १७) यांनी धावांचे योगदान देत संघाला विजय मिळवून दिला.
सामन्याचा संक्षिप्त निकालः गटसाखळी फेरीः
फल्लाह क्रिकेट अॅकॅडमीः १९.४ षटकात १० गडी बाद ७८ धावा (यश ससाणे २२, निखील काबळे नाबाद १२, मयांक अगरवाल ३-१०, सिध्दांत गुप्ता २-१९, राशी व्यास २-१८) पराभूत वि. गॅरी कर्स्टन क्रिकेट अॅकॅडमी बः १८.२ षटकात ५ गडी बाद ७९ धावा (समवेद गायकवाड २४, अहमद सिद्दकी नाबाद ११, मानस पाटील नाबाद १७, इस्माईल सय्यद ३-२२); सामनावीरः मयांक अगरवाल.