बाबा रॉड्रिक्स अँड सन्स आयटीएफ एस200 वरिष्ठ टेनिस अजिंक्यपद स्पर्धेत केतन धुमाळ, सुजय महादेवन, गगनदीप वासू यांची आगेकूच   

एमएसएलटीए स्कुल ऑफ टेनिस म्हाळुंगे बालेवाडी येथे सुरु असलेल्या या स्पर्धेत 35वर्षांवरील पुरुष गटात उपांत्यपूर्व फेरीत पुण्याच्या केतन धुमाळ याने पाचव्या मानांकित संभाजी चव्हाणचे आव्हान 6-1, 6-1 असे संपुष्टात आणले. बिगरमानांकीत सुजय महादेवन याने दुसऱ्या मानांकित गणेश देवखिळेवर 6-2, 6-0 असा सनसनाटी विजय मिळवला.  45वर्षांवरील पुरुष एकेरीत उपांत्यपूर्व फेरीत अव्वल मानांकित नितीन कीर्तनेने सुजित कुमार टीपीला 6-0, 6-1 असे पराभूत केले.  अकराव्या मानांकित गगनदीप वासूने चौथ्या मानांकित राजीव अरोराचा 6-2, 6-1 असा पराभव करून उपांत्य फेरीत धडक मारली. 65वर्षांवरील गटात पाचव्या मानांकित एकनाथ किणीकरने चौथ्या मानांकित महेंदर कक्कडचा 6-1, 6-2 असा सहज पराभव करून आगेकूच केली.