पुणे महापालिकेच्या 58 प्रभागाची नावे जाहीर

January 31, 2022 maharashtralokmanch

पुणे : पुणे महापालिकेच्या निवडणुकीसाठी प्रारुप प्रभाग रचना उद्या जाहीर होणार असली तरी त्याची उत्सुकता ताणली गेली आहे. कोणता प्रभाव कसा होणार याची चर्चा सुरू असताना आज पुणे महापालिकेच्या संकेतस्थळावर प्रारुप प्रभाग रचनेच्या 58 प्रभागांची नावे जाहीर झाली आहेत. शहरातला पहिला प्रभाग हा धानोरी-विश्रांतवाडी असून सर्वात शेवटचा ५८ क्रमांकाचा प्रभाग कात्रज-गोकुळनगर हा आहे. विशेष म्हणजे नव्याने समाविष्ट झालेल्या 23 गावांच्या नावानेही सुमारे १० प्रभाग तयार झालेले आहेत. तसेच यामध्ये प्रस्थापित नगरसेवकांचे पक्षनेते व पदाधिकाऱ्यांचे प्रभाग सुरक्षित असल्याचे स्पष्ट होत आहे.
निवडणूक आयोगाने पुणे महापालिकेला 1 फेब्रुवारी रोजी प्रारूप आराखडा जाहीर करण्याचे आदेश दिले आहेत त्यावर 14 फेब्रुवारी पर्यंत हरकती-सूचना घेतल्या असून. 2 मार्च पर्यंत अंतिम प्रभाग रचनेचा अहवाल सादर करावा लागणार आहे. पुणे महापालिकेची प्रभाग रचना ही वादाची तसेच डावपेचांची झालेली आहे. पुणे महापालिकेसह निवडणूक आयोगाकडे ही अनेक बदल करण्यासाठी दबाव टाकण्यात आल्याची चर्चा आहे. राज्यात सर्वात अवघड प्रश्न ही पुण्याची ठरल्याचे ही अधिकारी खासगी मध्ये मान्य करत आहेत.
त्यामुळे ही प्रभाग रचना कशी असणार याची उत्सुकता लागलेली आहे. पुणे महापालिकेतर्फे एक फेब्रुवारीला रात्री बारा वाजता महापालिकेच्या संकेतस्थळावर लिंक ओपन करून दिली जाणार आहे. तेथे प्रभाग रचना नाव व चतुर सीमा नकाशा नागरिकांना पाहता येणार आहे. त्यापूर्वी महापालिकेच्या संकेतस्थळावर आज केवळ 58 प्रभागांची नावे जाहीर झाली आहेत.
प्रभागांची नावे