स्वारगेट ते बेलवडे व मार्केटयार्ड ते कोळवण असे दोन नवीन बसमार्ग सुरू

पुणे : पीएमपीएमएल कडून स्वारगेट ते बेलवडे व मार्केट यार्ड ते कोळवण असे दोन नवीन बसमार्ग सुरू करण्यात आले आहेत. प्रजासत्ताक दिनी महापौर मुरलीधर मोहोळ यांच्या हस्ते चांदणी चौक येथे या दोन्ही नवीन बसमार्गांचे उदघाटन करण्यात आले.

याप्रसंगी पीएमपीएमएलचे संचालक प्रकाश ढोरे, नगरसेवक किरण दगडे, नगरसेवक दिलीप वेडे पाटील, नगरसेवक पृथ्वीराज सुतार, माजी नगरसेवक दामू अण्णा कुंबरे, नगरसेविका अल्पना वरपे, नगरसेविका श्रद्धा प्रभुणे, जि. प. सदस्य शंकर मांडेकर, माजी जि. प. सदस्य शांताराम इंगवले, मुळशीचे माजी पंचायत समिती सभापती रविंद्र कंधारे, पीएमपीएमएलचे मुख्य वाहतूक व्यवस्थापक दत्तात्रय झेंडे, नियोजन व संचलन अधिकारी चंद्रकांत वरपे, कामगार व जनता संपर्क अधिकारी सतिश गाटे, स्वारगेट डेपो मॅनेजर विकास मते, मार्केट यार्ड डेपो मॅनेजर नारायण भांगे यांची प्रमुख उपस्थिती होती.

मार्ग क्रमांक २३२ स्वारगेट ते बेलवडे या बसचा मार्ग – स्वारगेट, एस पी कॉलेज, डेक्कन, एस एन डी टी, पौड फाटा, एम आय टी कॉलेज, जयभवानी नगर, कोथरूड डेपो, चांदणी चौक, भुगाव, पिरंगुट, घोटावडे फाटा, शिंदेवाडी, पौड, खेचर गाव, बेलवडे असा असणार आहे.

मार्ग क्रमांक २३३- अ मार्केट यार्ड ते कोळवण या बसचा मार्ग – मार्केट यार्ड, भाजी मार्केट, स्वारगेट, दांडेकर पूल, डेक्कन, एस एन डी टी, पौड फाटा, एम आय टी कॉलेज, जयभवानी नगर, कोथरूड डेपो, चांदणी चौक, भुगाव, पिरंगुट, घोटावडे फाटा, सुतारवाडी, पौड स्टॅन्ड, करमोळी गाव, सावरगाव, चाले, दखणे पाटी, कुळे पाटी, नाणेगाव पाटी, चिखलगाव पाटी, डोंगरगाव, नांदगाव, होतले, कोळवण असा असणार आहे.

सध्या या दोन्ही मार्गावर प्रत्येकी एक बस धावणार असून प्रवासी संख्या व उत्पन्न वाढल्यास या मार्गांवर बसेस वाढविल्या जातील. स्वारगेट ते बेलवडे पहिली बस सकाळी ५.५० वा. तर शेवटची बस संध्याकाळी ६.४५ वा. आहे. तसेच बेलवडे ते स्वारगेट पहिली बस सकाळी ७.३० वा. तर शेवटची बस संध्याकाळी ८.३५ वा. आहे. तसेच मार्केटयार्ड ते कोळवण पहिली बस सकाळी ९.०० वा. तर शेवटची बस संध्याकाळी ७.४५ वा. आहे. तसेच कोळवण ते मार्केटयार्ड पहिली बस सकाळी ६.३० वा. तर शेवटची बस संध्याकाळी ५.०० वा. आहे.