संजनाच्या दिलखेचक अदांनी रंगणार स्टार प्रवाहची नवीन वर्षाची पार्टी

धमाल गाणी, हटके परफॉर्मन्स, जोशभरा माहोल आणि विनोदाचा खमंग तडका जर तुम्हाला तुमच्या लाडक्या कलाकारांसोबत अनुभवता आला तर? सेलिब्रेशनची रंगत द्विगुणीत होणार हे वेगळं सांगायला नको. सरत्या वर्षाला हसरा निरोप देत नवीन वर्षाचं स्वागत करण्यासाठी स्टार प्रवाह वाहिनी सज्ज आहे. स्टार प्रवाह धुमधडाका २०२२ या नववर्ष विशेष कार्यक्रमातून प्रेक्षकांना मनोरंजनाची धमाल मेजवानी अनुभवायला मिळणार आहे. या खास कार्यक्रमात आई कुठे काय करते मालिकेतील संजना म्हणजेत रुपाली भोसलेच्या दिलखेचक अदांनी नवीन वर्षाची पार्टी रंगणार आहे. संजनाने ठसकेबाज लावणी सादर करत या कार्यक्रमात रंगत आणली आहे. संजनाचा ग्लॅमरस अंदाज मालिकेतून पाहायलाच मिळतो. या कार्यक्रमातील तिचा मराठमोळा ठसकाही प्रेक्षकांना नक्कीच आवडेल.

तेव्हा पाहायला विसरु नका स्टार प्रवाह धुमधडाका २०२२ रविवार २ जानेवारीला सायंकाळी ७ वाजता फक्त स्टार प्रवाहवर.