ऑडी इंडियाकडून ‘ऑडी क्यू ५’ साठी बुकिंग सुरू

मुंबई : जर्मनीतील आलीशान कार निर्माता कंपनी ऑडीने आज भारतात आपल्या नव्या ‘ऑडी क्यू ५’साठी बुकिंग सुरू केली आहे. ऑडी क्यू ५ ही आकार, अजोड कामगिरी आणि उपकरण सुसज्जतेच्या परिपूर्ण मिलापासाठी ओळखली जाते. या अतिशय यशस्वी मॉडेलचे तेजतर्रार एक्सटेरिअर डिझाइन तिची Q ओळख तसेच क्वॉट्रो डीएनएला अधोरेखित करते. ऑडी क्यू २ लाख रुपये भरून बूक करता येणार आहे. ऑनलाइन बुकिंग अधिकृत वेबसाइट (www.audi.in) वर तसेच ऑडी इंडिया डीलरशीपद्वारेही बुकिंग करता येईल.

ऑडी इंडियाचे प्रमुख बलबीरसिंह धिल्लन म्हणाले, “भारतातील ऑडीच्या क्यू परिवारात आम्ही आज ऑडी क्यू ५ ची भर घालत तिची बुकिंगही सुरू केली आहे. २०२१ वर्षातील हे आमचे नववे प्रोडक्ट लाँचिंग राहणार आहे. यंदाच्या आमच्या प्रगतीसाठी आम्ही अत्यंत आनंदी आहोत. ऑडी क्यू ५ ही आपल्या श्रेणीत अत्याधुनिक वैशिष्ट्ये, आराम आणि व्यवहार्यता यांचा परिपूर्ण संगम आहे. अगदी पहिल्याच नजरेत ऑडी क्यू ५ चे नवे डिझाइन भुरळ पाडते. या श्रेणीतील धुरंधर म्हणून आम्ही आमचे स्थान बळकट राखू,असा आम्हाला विश्वास आहे. यासोबतच आम्ही आमच्या सध्याच्या व नव्या ग्राहकांनाही आकर्षित करू शकू.”

लोभस डिझाइनयुक्त ही नवी ऑडी क्यू ५ वाहन चालवण्याच्या आपल्या क्वॉट्रो ऑल-व्हील ड्राइव्ह गुणधर्मांसोबत येते, जिला या श्रेणीतील सर्वोत्तम गतिशीलतेचे भरभक्कम पाठबळ आहे. ऑडी क्यू ५ ४८.२६ सेंटीमीटर (आर १९) ५ डबल स्पोक स्टार स्टाइल अलॉय व्हील्स, ऑडी पार्क असिस्ट, कम्फर्ट की सेन्सर नियंत्रित बूट लिडची उघडझाप, एकमेव ऑडीतच उपलब्ध लाखेपासून निर्मित ब्लॅक पियानो इनलेज, ऑडी व्हर्च्युअल कॉकपिट प्लस, बीअँडओ प्रीमियम थ्रीडी साऊंड सिस्टिम आदी वैशिष्ट्ये व सुविधांचा अंतर्भाव आहे.