अध्यात्म, विज्ञान आणि तंत्रज्ञानाचा पुरस्कर्ता म्हणजे बाहरी मल्होत्रा

पुणेः- एकाचवेळी अध्यात्म, विज्ञान आणि तंत्रज्ञानाचा पुरस्कार करून बाहरी मल्होत्रा यांनी जीवनाचे अतिशय योग्य संतुलन राखले. एका यशस्वी उद्योजकाबरोबरच त्यांनी संतुलित जीवनाचा आदर्श घालून दिला होता.  अध्यात्म, विज्ञान आणि तंत्रज्ञानाचा सुंदर मिलाफ त्यांच्या व्यक्तिमत्वात होता, अशा शब्दात विविध क्षेत्रातील मान्यवरांनी विकफिल्ड उद्योगसमुहाचे प्रमुख बाहरी मल्होत्रा यांना श्रद्धांजली अर्पण केली. बाहरी मल्होत्रा यांचे नुकतेच निधन झाले. पुणयातील जनसेवा फाैंऊडेशन बरोबर बाहरी मल्होत्रा यांचे विशेष ऋणानुबंध होते. फाैंऊडेशनतर्फे आयोजीत श्रद्धांजली सभेत बाहरी मल्होत्रा यांच्या विषयी समजातील विविध क्षेत्रातील मान्यवरांनी भावना व्यक्त केल्या.

 डाॅ. विनोद शहा म्हणाले की, बहारी मल्होत्रा यांच्यात परमेश्वरी अंश होता. आमच्या वरचेवर भेटी व्हायच्या. त्यांना भेटल्यानंतर ताकद आणि ऊर्जा मिळायची. विकफिल्ड उद्योग समूह नावारुपास आणून त्यांनी त्यांच्यातील नेतृत्व गुण सिद्ध केले होते. मल्होत्रा फाैउंडेशन असो किंवा जनसेवा फाैऊंडेशन अशा विविध समाजसेवी संस्थांच्या माध्यमातून त्यांनी समाज उत्थानासाठी कार्य केले. ते तरुणांचे प्रेरणास्त्रोत होते. जनसेवा फाैऊंडेशन कडून हाती घेण्यात आलेल्या टाॅयलेट आणि पिण्यासाठी शुद्ध पाणी ह्या दोन्ही प्रकल्पांना त्यांनी भरभरून मदत केली आणि सक्रिय सहभाग नोंदवला.