गुरुदेव रवींद्रनाथ टागोर यांना जयंतीनिमित्त सूर्यदत्ता ग्रुप ऑफ इन्स्टिट्यूटमध्ये अभिवादन

प्रा. डॉ. संजय चोरडिया म्हणाले, “रवींद्रनाथ टागोर हे आदर्शवत व्यक्तिमत्व आहे. त्यांनी अतिशय विपरीत परिस्थितीमध्ये आपला वसा जोपासला. त्यांची पत्नी मृणालिनी, मुलगा समींद्रनाथ, कन्या मधुरीलता आणि बेला यांच्यासह आयुष्यातील वैयक्तिक नुकसान त्यांना विश्वस्तरीय कवी, विचारवंत, शिक्षणतज्ज्ञ, समाजशास्त्रज्ञ, तत्वज्ञानी होण्यास अडवू शकले नाही. त्यांच्या वैयक्तिक वेदनेचे दु:ख त्यांच्या साहित्यात बर्‍याचवेळा प्रतिबिंबित होत राहिले.”

“टागोर हे एक सवेंदनशील व्यक्तिमत्व होते. म्हणूनच त्यांनी जालियनवाला बाग नरसंहाराच्या निषेधात सर ही पदवी नाकारण्याचे धाडस केले. लॉर्ड कर्झन यांनी बंगालच्या फाळणीवेळी निषेध म्हणून सामाजिक आणि सांप्रदायिक सौहार्दाचा उपदेश केला. रवींद्रनाथ टागोर हे एक अपवादात्मक व्यक्तिमत्त्व आहे, जे मानवजातीसाठी एकदाच झाले. या महान विभूतीच्या जीवनकार्यातून व साहित्यातून आपण सर्व नक्कीच बोध घेण्याचा संकल्प करूया,” असेही डॉ. संजय चोरडिया यांनी नमूद केले.