सचिन पायलट चुकीचं पाऊल उचलणार नाहीत – रणदीप सुरजेवाल

जयपूर, दि. 13 – मतभेद असतात मात्र स्वत:च्या पक्षाला कमकुवत करणं चुकीचं, असं मत काँग्रेसचे प्रवक्ते रणदीप सुरजेवाला यांनी व्यक्त केलं. सचिन पायलट चुकीचं पाऊल उचलणार नाहीत, असा विश्वास सुरजेवाला यांनी व्यक्त केला. सचिन पायलट यांच्याशी काँग्रेसचा संवाद साधण्याचा प्रयत्न. गेल्या ७२ तासांत अनेकवेळा संवाद साधण्याचा प्रयत्न करण्यात आल्याचं सुरजेवाला यांनी सांगितलं. विधीमंडळाच्या बैठकीत सर्व आमदारांनी सहभागी व्हावं, असं आवाहन करण्यात आलं आहे.

सुरजेवाला यांनी सचिन पायलट यांना माध्यमांच्या माध्यमातून कॉंग्रेस विधिमंडळ पक्षाच्या बैठकीस उपस्थित राहून पक्षासमोर उघडपणे बोलण्याचं आवाहन केलं आहे. त्यांनी सचिनसमवेत अन्य आमदारांनाही आवाहन केलं की त्यांनी पक्षाशी संबंधित कोणत्याही मुद्द्यावर बोलण्यास स्वातंत्र्य आहे आणि त्यांना कोणत्याही प्रकारची तक्रार किंवा शंका असल्यास अविनाश पांडे यांना कॉल करू शकता.

केंद्रीय नेतृत्वाने जयपूरला पाठविलेले रणदीप सुरजेवाला म्हणाले की, कधीकधी वैचारिक मतभेद उद्भवतात, परंतु अशा परिस्थितीत आपली स्वतःची विचारसरणी कमजोर करणे योग्य नाही. ते म्हणाले की, कोणत्याही प्रकारचे मतभेद असल्यास कॉंग्रेस अध्यक्षा सोनिया गांधी आणि राहुल गांधी यांची भेट घेऊन तोडगा निघू शकेल. वैयक्तिक स्पर्धेद्वारे आपलं स्वतःचं सरकार कमकुवत करणं योग्य नाही. भाजपवर आरोप करीत रणदीप सुरजेवाला म्हणाले की, भाजपला तपास यंत्रणांच्या माध्यमातून लोकांना घाबरवायचं आहे. भाजप वारंवार तपास यंत्रणांना पुढे करते. छापेमारीच्या माध्यमातून आज कॉंग्रेसचे नेत्यांना त्रास देण्याचा प्रयत्न करीत आहेत, असं सुरजेवाला म्हणाले. दरम्यान, कॉंग्रेसने आज आमदारांची बैठक बोलावली आहे, तसंच एक व्हीपही जारी केला आहे, त्यानुसार जो कोणी या बैठकीस उपस्थित राहणार नाही त्यांच्यावर शिस्तभंगाची कारवाई केली जाणार आहे.