लॉकडाऊनने प्रश्न सुटणार नाहीत ; जीवनपद्धतीत बदल करुन कोरोनासोबत जगायला शिका – आयुक्त शेखर गायकवाड

पुणे, दि. 30 – आपल्या डोळ्यांना न दिसणारा आणि कोणालाही होईल अशा कोरोनाच्या प्रार्दुभावामध्ये आपण जगत आहोत. त्यात पावसाळा सुरु झाल्याने इतर आजाराच्या रुग्णांची संख्या वाढत आहे. त्यामुळे हा लढा आपल्याला अहोरात्र सुरु ठेवायचा असून पुण्यातील ओंकारेश्वर सारखी देवस्थाने, सामाजिक संस्था व प्रशासनाचे सहकार्य असल्याने ही व्यवस्था टिकून आहे. केवळ लॉकडाऊनने प्रश्न सुटणार नाहीत, आपण कोरोनासोबत जगायला शिकले पाहिजे, असे मत पुणे मनपा आयुक्त शेखर गायकवाड यांनी व्यक्त केले.