प्रख्यात गायक आणि संगीतकार पापोन यांच्या संगीतमय उपस्थितीत पुण्यात एचसीएल ग्रुपचा ५० वा वर्धापन दिन उत्साहात साजरा

पुणे : एचसीएल ग्रुपने आपल्या ५० वर्षांच्या प्रवासाचा सुवर्णमहोत्सव साजरा करत ३१ ऑक्टोबर रोजी पुण्यात कर्मचाऱ्यांसाठी विशेष संगीत मैफिलीचे आयोजन केले होते, ज्यामध्ये प्रख्यात गायक आणि संगीतकार पापोन यांनी सादरीकरण केले. बालेवाडी स्टेडियमवर आयोजित या मैफिलीत एचसीएल ग्रुप आणि शिव नाडर फाउंडेशनचे ४,००० हून अधिक कर्मचारी संगीत आणि उत्साहाच्या या सायंकाळी एकत्र आले होते.

या मैफिलीला एचसीएल ग्रुप आणि एचसीएलटेकच्या चेअरपर्सन रोशनी नाडर मल्होत्रा, तसेच एचसीएलटेकच्या कॉर्पोरेट फंक्शन्सचे चीफ ऑपरेटिंग ऑफिसर राहुल सिंग उपस्थित होते. त्यांनी पुण्यातील कर्मचाऱ्यांसोबत ग्रुपचा सुवर्णमहोत्सव साजरा केला. पापोन यांनी मंचावर आपल्या अत्यंत लोकप्रिय गाण्यांचे सादरीकरण केले, ज्यावर कर्मचाऱ्यांनी सायंकाळभर गात आणि थिरकत मनसोक्त आनंद लुटला.

एचसीएल ग्रुपच्या ५० व्या वर्षानिमित्त आयोजित विशेष कॉन्सर्ट मालिकेचा भाग म्हणून यापूर्वी नोएडा, लखनौ, चेन्नई, विजयवाडा, मदुराई आणि हैदराबाद येथे झालेल्या अशाच कार्यक्रमांनंतर पुण्यात ही मैफिल पार पडली. एचसीएलने ११ ऑगस्ट रोजी आपला अधिकृत ५० वा वर्धापन दिन साजरा केला असला, तरी विविध शहरांमध्ये हे सेलिब्रेशन सुरूच आहे, ज्याने गेल्या पाच दशकांत कंपनीला घडवणारे कर्मचारी आणि या सामायिक प्रवासाचा सन्मान करण्यासाठी सर्वांना एकत्र आणले आहे.

एचसीएल ग्रुपच्या विशेष ५० व्या वर्धापन दिनी कॉन्सर्ट मालिकेतील ही सातवी मैफिल होती, जिथे ग्रुपच्या पाच दशकांच्या प्रवासाचा आनंद विविध ठिकाणी अशाच उत्साहात पुढेही साजरा केला जात आहे.