पेपरफ्रायचे भारतातील पहिले ‘फॅक्टरी आउटलेट’ पुण्यात

पुणे : भारतातील फर्निचर आणि गृहसजावटीच्या वस्तूंमधील आघाडीच्या मार्केटप्लेसपैकी एक, पेपरफ्रायने भारतातील आपले पहिलेच फॅक्टरी आउटलेट पुण्यात सुरू केल्याची घोषणा केली आहे. या नव्या आउटलेटमुळे पुण्यातील या ब्रँडचे हे सहावे स्टोअर असून, सर्वाधिक वेगाने वाढणाऱ्या बाजारपेठांपैकी एक असलेल्या या शहरात त्यांनी आपली उपस्थिती आणखी बळकट केली आहे.

सोफा आणि लिव्हिंग रूम लाउंज म्हणून संकल्पित केलेले हे फॅक्टरी आउटलेट, ग्राहकांना खरेदीचा एक अत्यंत आकर्षक अनुभव देण्यासाठी डिझाइन केले आहे. या स्टोअरमध्ये आराम, डिझाइन आणि कार्यक्षमतेवर विशेष लक्ष केंद्रित करून, विविध प्रकारच्या सोफ्यांची विस्तृत श्रेणी प्रदर्शित केली आहे. कापड, अपहोल्स्ट्री आणि अन्य साहित्याचा प्रत्यक्ष अनुभव ग्राहक घेऊ शकतात, ज्यामुळे त्यांना अधिक खात्रीने खरेदीचे निर्णय घेता येतात. हे आउटलेट सोफा कस्टमायझेशनचे पर्याय देखील देते, ज्यामुळे ग्राहकांना त्यांच्या आवडीनुसार आणि राहण्याच्या जागेनुसार उत्पादने तयार करून घेता येतात.

फॅक्टरी आउटलेटमुळे पेपरफ्रायला उत्पादनांची अधिक विस्तृत श्रेणी ग्राहकांना उपलब्ध करून देणे शक्य होते; यामुळे ग्राहकांना अधिक मूल्य आणि सुलभताही मिळते.

या शुभारंभावर भाष्य करताना, पेपरफ्रायचे संस्थापक आणि सीईओ, आशिष शाह म्हणाले: “पुणे ही आमच्या सर्वाधिक वेगाने वाढणाऱ्या बाजारपेठांपैकी एक आहे, आणि या शुभारंभाद्वारे भारतातील आमचे पहिले फॅक्टरी आउटलेट सादर करताना आम्हाला आनंद होतो आहे. ही तर फक्त सुरुवात आहे — पेपरफ्रायला आमच्या ग्राहकांच्या अधिक जवळ आणण्यासाठी आम्ही विविध भौगोलिक प्रदेशांमध्ये आमचा वेगाने विस्तार करत आहोत. या नवीन स्वरूपाद्वारे, खरेदीचा निर्णय घेण्यापूर्वी ग्राहक आमची उत्पादने — त्यातून मिळणारा आराम, त्यासाठी वापरलेले कापड अशा गोष्टींचा प्रत्यक्ष अनुभव घेऊ शकतील, असा अधिक आकर्षक खरेदीचा अनुभव ग्राहकांना देण्याचे आमचे ध्येय आहे.”

पुणे शहराने पेपरफ्रायचे अत्यंत आनंदाने स्वागत केले आहे आणि हा नवीन उपक्रम या शहरात गुंतवणूक करण्याच्या ब्रँडच्या निरंतर वचनबद्धतेला अधोरेखित करतो, तसेच ग्राहकांचा एकूण अनुभव अधिक समृद्ध करतो.

या माध्यमातून, पेपरफ्राय आपल्या प्रत्यक्ष रिटेल विक्री केंद्रांचे आपल्या मजबूत डिजिटल मंचाशी एकत्रीकरण करून आपले ओम्नीचॅनेल धोरण अधिक बळकट करत आहे; ज्यामुळे ग्राहकांना अधिक सोय, विविध पर्याय आणि खरेदीचा एक उत्कृष्ट अनुभव मिळतो.

फॅक्टरी आउटलेटचा पत्ता:
सर्वे क्र. 157,
नूतन वेअरहाऊसिंग कॉम्प्लेक्स,
सासवड रोड, हवेली,
पुणे – 412308, महाराष्ट्र, भारत